جربتوا هل ٦ مطاعم الإيطالية أو بعد بلبنان؟

محبين الأكل الإيطالي، إذا زهقتوا من نفس المحلات وعم تفتشوا عن مطاعم جديدة بتجبلكن طعمة إيطاليا لعندكن، هيدا المقال إلكن! من الباستا للبيتزا، للزانيا والبوراتا، جربوا هول ٦ مطاعم الإيطالية يلي فتحت بلبنان ورح تحسوا حالكن بإيطاليا عن جد!

١. Pizzalata، بدارو

إذا بدكن قعدة بسيطة وأكل إيطالي عالأصول، بيقدملكن هيدا المطعم تجربة إيطالية ما بتتنسى. دوقوا البيتزا أو الباستا واستمتعوا بجو المحل الدافي.

الرقم: 680 678 76

٢. مارينارا، الكاسليك

قعدة رايقة وأكل طيب بياخد العقل. إذا كنتو بجونية وبدكن طعمة إيطالية مع نكهة أصيلة وقعدة رومانسية، هيدا المحل خياركن.

الرقم: 801 855 03

٣. La Burrateria، الأشرفية

هالمطعم الجديد صار معروف لأنه بيقدم أطباق إيطالية فخمة مع البوراتا. قعدة ملونة ومريحة بزوايا الأشرفية. إذا بتحبوا الأكل الإيطالي الأصيل، لازم تزوروا هالمكان.

الرقم: 282 848 71

٤. Vicoli، البترون

إذا كنتو عم تحلموا بـ”إيطاليا الزغيرة”، هالمطعم بالبترون هو المكان المثالي. من الغنوتشي بالبيستو للمارغريتا الطيبة، كل شي عندن بيجنن. عندن فرع ببيروت كمان إذا كنت أقرب عالعاصمة.

الرقم: 878 874 78

٥. Amavi، الأشرفية

أطباقن مزيج بين الطعم الإيطالي الأصيل واللمسات العصرية. الجو هونيك كتير رومانسي، مناسب لعشا مع الأحباب أو أصحاب.

الرقم: 533 745 03

٦. Appetito، ريفون

للي ساكنين أو بيمرقوا بريفون، هيدا المطعم لازم يكون على لائحة زياراتكن. أطباق إيطالية بسيطة، خدمة سريعة، وديكور مريح بيخليكن تحسوا حالكن ببيت إيطالي.

الرقم: 184 140 03

شوفوا كمان، عبالكن تعيشوا جو كريسماس؟ زوروا هالـ١٤ محل بلبنان!