رسالة حب لبيروت… إليسا تفاجئ جمهورها بفيديو جديد!

الفنانة اللبنانية إليسا، المعروفة بلقب “ملكة الإحساس”، طرحت مؤخرًا أغنية « حبّك متل بيروت » وفيديو كليب جديد كتحية لبيروت. بتغني فيها لشوارعها الحلوة، سواحلها المشمسة والحكايات المخبّاية، والكلمات بتعبّر عن قوة المدينة وحب بيبقى وما بينتهي.

فيكن تحضروا فيديو كليب إليسا «حبّك متل بيروت» هون:

فيديو الكليب بيمزج بين ألوان وأصوات وروائح بيروت – من المعجنات الطازة كل صبح للحكي مع الناس. رحلة إليسا بالمدينة بتعكس جوهر حياة بيروت اليومية: اللطافات الزغيرة، الروابط اللي ما تنحكى، واللحظات المشتركة اللي كتير مرات ما منلاحظها.

سواءً كان اللطافة مع صاحب الدكّانة أو الروح الجماعية للشباب لما يجتمعوا يصلّحوا سيارة معطّلة، كل مشهد بيبرز اللي بيميز عاصمتنا. من خلال هاللحظات العابرة والمليانة معنى، فيديو إليسا برسم صورة عن بيروت كأكتر من مجرد مكان.

بتختم الأغنية برسالة حلوة لحبها ولبيروت:

حبّك متل بيروت

كل ما انكسر فيها القلب مرة

بترجع قوية وبتبقى حرة

حبك متل مدينة محمية

حرّة بيروت ومتلها انا بحب الحرية

بهل رسالة الحب لبيروت، إليسا بتعبر عن كتير أحاسيس منعيشها نحنا كلبنانية ببيروت. بتلتقط شعور، وتاريخ، وارتباط بمدينة كلنا منحبها. الفيديو كليب تبع إليسا بيتعامل مع بيروت كأنها شخصية نابضة بالحياة بقصتها – وقصتنا.

حبيتوا الفيدو كليب الجديد لغنية إليسا حبّك متل بيروت؟ كمان نزلت وثائقي السنة الماضية كتير حبيناه. فيكن تقروا عنه بمقالنا هون.