أجمل مطارح شتوية مع قعدة بيتوتية بلبنان

عشقنا للمطارح المكنكنة و البيتوتية ببلّش ع أوّل شتوة! أديه كلنا مننطر الشتوية لنقعد جنب الشاميني وناكل أكل دافي مع الناس يلي منحبن هي وعم تشتي الدني برا؟ إذا عم تفتشوا ع هيك قعدة وهيك جو بلبنان، إخترنالكن أجمل مطارح شتوية مع قعدة بيتوتية حول لبنان.   

1. The Wooden Cellar، مار ميخايل

بوحدة من زوايا شارع مار ميخايل رح تلاقوا هالمطعم المكنكن والرومانسي! بيقدموا أكل فرنسي بيدفي القلب مع جو بيتوتي بياخد العقل، من التفاصيل الكلاسيكية الزغيرة، الخشبيات القديمة، وزينة العيد يلي بتلاقوها بس الشهر! 

الرقم: 392 808 76 

2. قرطبة، بعبدات

عيشوا تجربة عشا مكنكنة بمطعم قرطبة مع كاس نبيد طيب، موسيقى بيانو هادية، وقعدة كهف حجر بتحسّسكن إنكن بالبيوت القديمة. ع التراس فيه منظر جبلي لغابات الصنوبر بياخد العقل! 

الرقم: 705 614 71

3. Iris Domain، بحمدون

معصرة عنب عتيقة ومطعم بيتوتي بضيعة بحمدون! عيشوا عشا حميمي مع الناس يلي بتحبوهن ع صوت البيانو ورواق الضيعة وأطباق موسمية إستثنائية!  

الرقم: 879 900 78

4. تلة نصر، بكفيا 

مع سفرة لبنانية جنب الشاميني رح تحسوا حالكن قاعدين ببيت الجبل! بتضهروا لبرا بتلاقوا ريحة الصنوبر ناطرتكن وجمال بكفيا يلي بيخطف القلب! 

الرقم: 404 690 71 

5. كيف جزين، جزين

جوهرة مخفية بضيعة جزين وتعتبر من أجمل المطارح الشتوية بالضيعة، وهي عبارة عن مزرعة ومطعم بجو ريفي مميز. بتجربوا أطباق موسمية طازة من جنينتن، بوفيهات من أكل بيتوتي، وبتنبسطوا بقعدة شتوية بقلب غرفة من قزاز بنص البساتين والطبيعة.

الرقم: 449 441 70

6. غرين هاوس، البترون 

غرين هاوس رح ياخدكن ع بيت التيتا مع  الكنبيات الملونة والقعدة بين الشتل الأخضر! جربوا عندن البيتزا جنب الدفاية وعيشوا سهرة مع أصحابكن كتير مهضومة. 

الرقم: 310 125 70

حبيتوا أماكن شتوية بيتوتية؟ شوفوا كمان، عبالكن تعيشوا جو كريسماس؟ زوروا هالـ١٣ محل بلبنان!