فيديو مؤثر: مواطن بكي لأنو لقى حيواناتو بخير بعد الحرب!

بعد ما خلصت الحرب، رجع مواطن لبناني على ضيعتو وقلبو ع بيتو والحيوانات اللي تركها ورا. القطط والكلاب كانوا أكتر من مجرد حيوانات عندو، كانوا عيلتو. وما كان عارف إذا قدروا ينجوا من الدمار، خاصةً إنو ما قدر ياخدن معو ويهرب من ورا القصف.

بس وصل ع الضيعة، قططو وكلابو إجو لعندو دغري. ما صدق لما شافن بعدن عايشين، وعيونو كانت مليانة دموع. حضروا الفيديو هون: 

“كانت ليلة صعبة والله ما قدرت اخدكن”، هيك حكى البسينات والكلاب يلي إضطر يتركها، “الحمد الله على سلامتكن يا روحي”. 

هاللحظة المؤثرة منتمنى يعيشها كل حدن مرق بهيك موقف بالحرب. بالنسبة إلو، شوفة حيواناتو عايشة كانت دليل إنو الحرب ما أخدت كل شي، وإنو في أمل. 

بتحبوا الحيوانات الأليفة؟ شوفوا كمان، عيلة نزحت… ورجعوا عالجنوب ومعن فرد جديد بالعيلة إسمو فادي!