بمشهد غريب، طار البيت وبقي المطبخ متل ما هو!

بمشهد غريب ما بيتصدق، إنقصف بيت بأكملو بالجنوب، الحيطان طارت والسقف وقع، بس المطبخ بقي واقف متل ما هو، ما تأثر بشي! 

الصورة إنتشرت بشكل واسع، وأخدت ردود فعل منها الإستغراب وغيرن تنكيت من الناس. بتشوفوا بالصورة أغراض المطبخ بعدن ع المجلى، الشباك محلّو، الجوارير مسكّرة، وحتى البلاط! 

Image: Bintjbeil.org

كل يلي شافوا هالمشهد وقفوا مستغربين، كيف حتى بقي المطبخ متل ما هو؟ ونحنا منحب نسأل أصحاب البيت عن المعلّم يلي عملن المطبخ لأنو الظاهر شاطر وشغلو ضد الغارات!

عنجد مشهد هيك بيخلّي الواحد يتأمل شوي ويفكّر كيف بتصير قصص غريبة بالحرب. بتتذكروا قصة الرابيد يلي نزل متل ما هو ع السطح من الغارة؟ تعرفوا أكتر هون. 

شوفوا كمان، بالفيديو: لما ترجع عالبيت بعد النزوح… وتلاقي معزيات بغرفتك!