هون فيكن تاكلوا لقمة بيتوتية نهار الأحد بين التلجات

إذا بتحبوا تلج الشتوية والجو المكنكن، لازم تجربوا “مطعم فوزي” بفقرا، مطرح لبناني أصيل بين جبال فقرا وكفردبيان الرهيبين. هون بتلاقوا أطيب لقمة لبنانية بتحسكن قاعدين ببيت الضيعة، كل شي معمول بدياتن وبنكهة ما بتتكرر!

قعدة دافية بتردّ الروح بتلاقوها عند مطعم فوزي

بس توصلوا، أول شي رح يلفتكن الديكور الخشب والأجواء اللي بتشبه أيام زمان. الموقدة وصوت الخشب عم بطقطق، والتلج عالشبابيك مغطي كل شي، كأنكن قاعدين بعالم خيالي، وجوا القعدة مريحة ودافية. بتحسوا حالكن ببيت بضيعة لبنانية، وكل شي حواليكن بيخليكن تغرقوا بالذكريات والدفا.

مين عبالوا هيك قعدة؟

مطعم فوزي مشهور بترويقة لبنانية فاخرة. تخايلوا صحن فول، بيض وخبز عالصاج، لبنة، عسل، وقرص جبنة ومشطاح سخن طالع من النار دغري على طاولتكن. أما الغدا؟ هون لازم تجربوا المشاوي اللي بتشهي! اللحمة الطرية، الدجاج المتبل، والفوارغ بالفخارة، كلو معمول عالأصول، وبطريقة ما بتلاقوها إلا هون.

إذا بتحبوا تاكلوا وتلج حواليكن، هيدا المكان لازم تزوروا. تخايلوا منظر التلج مغطي الجبال، وإنتو قاعدين جنب الشميني، مع كاس نبيد وأطيب لقمة لبنانية. الأجواء مكنكنة، وفعلاً بتنسوا كل همومكن.

كل شي بالمطعم بيشبه شغل البيت، بس بمستوى احترافي. المكونات طازة، الأطباق مليانة ألوان ونكهات، ومن أول لقمة بتحسوا إنو معمول من القلب للقلب. هون بتاكلوا لتستمتعوا مش بس لتشبعوا!

إذا بدكن تعملوا نهار استثنائي بين التلجات، مطعم فوزي هوي المحل المناسب. منظر ساحر، لقمة بتشهي، وأجواء بتخليكن تحسوا حالكن بعالم تاني. حضروا حالكن لتعملوا أجمل ذكريات هالشتوية!

العنوان: فقرا
الرقم: 575 406 03

شوفوا كمان، كافيه مهضوم فتح بمعمل الحرير الأثري بضيعة القبيات