بالفيديو: لما ترجع عالبيت بعد النزوح… وتلاقي معزيات بغرفتك!

بعد وقف إطلاق النار، كتار عم يرجعوا على بيوتن بشوق وفرح، بس تخايلوا ترجعوا وتلاقوا… معزيات بغرفتكن! هيدا اللي صار مع شخص نزح بسبب الأحداث، ورجع عالبيت ولاقى المعزيات مفكرة حالها أصحاب البيت.

رجع عالبيت ليلاقي… معزيات مرتاحين بغرفتو!

بفيديو صار ترند على السوشيال ميديا، قدرنا نشوف أربع معزيات مرتاحين عالآخر بغرفتو، ومعزاية خامسة عم تتسلى عالبلكون!

الناس عالسوشيال ميديا ما قدروا يوقفوا ضحك على هالموقف، وكتير وصفوا الفيديو بـ”الكتير مهضوم”. في حدا حتى شارك تجربتو وكتب إنو هو كمان رجع عالبيت بعد النزوح، ولاقى معزيات هون وهونيك!

هيدا الموقف الطريف بذكرنا إنو الحياة دايمًا بتفاجئنا، وحتى بأصعب الأوقات بضل في لحظات مهضومة لتخفف الهم عنا.

شوفوا كمان، أهضم ردات فعل اللبنانية ع إنتهاء الحرب!