مطعم إيطالي جديد بالكاسليك: تيراميسو، باستا، وبيتزا غير شكل!

مين ما بحب الأكل الإيطالي؟! هالنكهات اللي بتاخدكن دغري على شوارع روما. هلق صار فيكن تعيشوا التجربة الطليانية الحقيقية بوسط الكاسليك عند مطعم MARINARA. مطعم طلياني جديد فتح بوابو وعم يقدم أطيب أطباق الباستا، البيتزا، والريزوتو بأسعار مدروسة وقعدة بتجنن!

ديكور إيطالي وأجواء رومانسية

من أول ما تفوتوا، رح تحسوا حالكن بوسط روما. الديكور كلاسيكي مع شراشف حمر وبيض على الطاولات، وبيانو بالمطعم بيعزف موسيقى إيطالية بتكمل الجو. إذا كنتوا مع الشريك أو أصحابكن، الأجواء هون بتناسب كل المناسبات، خصوصي إذا عبالكن سهرة رومانسية.

إذا كنتو من عشاق البيتزا، لازم تعيشوا تجربة البيتزا ع فرن الحطب. العجينة رقيقة ومقرمشة، والنكهات خرافية. أما الباستا، فهيدي قصة تانية. عندكن خيارات ما بتخلص، من الكاربونارا الكلاسيكية للألفريدو الكريمية، وإذا حابين تجربوا شي مختلف، اطلبوا الريزوتو مع صلصة الترافل والبرمزان، نكهة بتطير العقل!

ما فيكن تفكروا بالأكل الإيطالي بدون ما تختموا قعدتكن بالتيراميسو. حلو وغني، متل ما لازم يكون. وإذا بتحبوا الحلويات الغريبة، جربوا الشوكولا كالزون. مع كابتشينو بيروقلكن مزاجكن، أكيد رح يكون الختام مسك لسهرتكن.

هالمطعم جمع الأكل الطيب والأجواء الساحرة بمطرح واحد. إذا عبالكن تعيشوا لحظات حلوة مع أكل ولا أطيب، ما إلكن إلا هالمكان.

العنوان: الكاسليك
الرقم: 801 855 03

شوفوا كمان، كافيه مهضوم فتح بمعمل الحرير الأثري بضيعة القبيات