The Koozpace: المكان يلي بيجمع بين الشغل، الراحة والترفيه ببعبدا!

إذا بدكن تشتغلوا وتغيّروا جو، وتلاقوا مكان جديد بيجمع بين الراحة والشغل، اكتشفنالكن The Koozpace. هالمكان بيجمع كل شي: قهوة طيبة، أكل لذيذ، وأجواء رايقة للاستراحة. قررنا نزوره بقلب بعبدا وهاي كانت تجربتنا!

كل شي بمكان واحد: شو بتقدملكن هالمساحة؟

The Koozpace مش متل أي مكان جماعي بلبنان. معمول بطريقة بتجمع كل اللي بتحتاجوه تحت سقف واحد: كافيه، مساحة شغل (coworking space)، مسبح، وحتى نادي رياضي. هون فيكن تشتغلوا، تسترخوا، أو ببساطة تاخدوا بريك بنفس المكان.

الأجواء عنجد بتاخد العقل. شربنا قهوة سخنة، أخدنا بريك جنب المسبح، وجربنا مساحة الشغل اللي بتخليكن مركزين ومنتجين. الحلو كمان إنو كل الناس هونيك رايقة ولطيفة، فبتحسوا حالكن بالبيت.

الكافيه الجديد: الأول من نوعو ببعبدا!

فتح The Koozpace أول كافيه من نوعو ببعبدا، وصراحة كتير مهضوم! إذا بتحبوا القهوة أو إذا كنتوا من الناس اللي دايمًا مشغولين بالشغل، هالمكان بيجمع بين الراحة والشغل بكل ذوق. وإذا كان الجو حلو، جربوا قهوتكن جنب البيسين، بتاخدوا جرعة فيتامين د وكافيين بنفس الوقت!

الكرواسان هون قصة تانية. معمولين بإيد خبازين محترفين من مخبز Clément الشهير، والطعمة… بتاخد العقل. خبزة طرية وبتقرمش بنفس الوقت، ومليانة نكهات طيبة. كل وحدة أطيب من التانية، بتخليكن ترجعوا تطلبوا أكتر.

إذا جايين للشغل، شوفوا تفاصيل الـ coworking passes هون. مساحة الشغل واسعة ومجهزة لتساعدكن تنجزوا كل مهامكن.

مش بس مساحة عمل… مكان للاسترخاء والتلاقي بنفس الوقت

الأجواء بـ The Koozpace بتخلي مكان مثالي لتقضوا في وقت مميز مع أصحابكن أو زملائكن بالشغل أو الجامعة. المساحة واسعة، القعدات مريحة، وفي عندن كمان ألعاب boardgames للتسلوا وتقطعوا وقت.

وإذا ما كنتوا من النوع اللي بحب العجقة، ما تقلقوا. المكان معمول ليخلق توازن بين الراحة والشغل، وبنفس الوقت بيعطيكن فرصة تتعرفوا على ناس جداد أو ببساطة تاخدوا وقت ومساحة لراحتكن الشخصية.

بيتكن التاني؟

إذا ساكنين قريب، ما بتستغربوا إذا صار The Koozpace وجهتكن اليومية. قهوة؟ سناك سريع؟ رياضة؟ قعدة مع الأصحاب؟هيدا المكان رح يصير بسهولة بيتكن التاني، مع كل شي متوفر هون والجو الرايق.

للمزيد من المعلومات، تأكدوا تشيّكوا موقعن على إنستغرام. ولتفاصيل أكتر فيكن تزوروا كمان الويبسايت تبعن.

شوفوا كمان، كافيه مهضوم فتح بمعمل الحرير الأثري بضيعة القبيات