بالفيديو: جدو بيدل ع طريق الضيعة بالزجل اللبناني

بفيديو إنتشر ع سوشيال ميديا، جدو لبناني كبير بالعمر من جبيل خطف قلوب العالم بِردّ مهضوم على طلب حدن وقف على الطريق ليسألو عن الاتجاهات. بس بدل ما يجاوب، رد عليه الختيار بكم بيت من الزجل اللبناني القديم. حضروا هون:

بكلمات لطيفة من الزجل المرتجل، بيقول الختيار:

“بس لو ما لمبات خدودِك تلمع بالليل، ما كنّا استهدينا ع وجودِك ببلاد جبيل“. 

الفيديو بيفوت ع القلب، مش بس لأنو مهضوم وغير متوقع، بس كمان لأنو رجّع الحنين لأيام زمان وع عيشة أهل الضيعة البسيطة. هيك فيديوهات بتذكرنا بغنى ثقافتنا وكيف الفن كان جزء من الحياة اليومية. هالموقف العفوي كمان بيورجي دفى وطيبة أهل الضيع بلبنان. هيك وقفة بالزمن، لحظة حلوة بتلمس القلب وتقرّب الناس من بعضها!

أديه نحنا منفتخر إنو هيدا تراثنا اللبناني العريق وهيدي ثقافتنا الحلوة؟

 شوفوا كمان، رغم الألزهايمر، تيتا لبنانية تذكرت غنية فيروز!