نجم كرة السلة اللبناني وائل عرقجي على قائمة فوربس الشرق الأوسط 30 تحت سن الـ 30!

حصل نجم كرة السلة اللبناني وائل عرقجي، الملقب بـ’المرعب’ لمهاراته الرائعة، على مركز بقائمة فوربس الشرق الأوسط 30 تحت سن ال 30 الشهيرة ضمن فئة الرياضة والترفيه.

وائل عرقجي: البطل اللي عم يعمل كل الفرق

وائل عرقجي، الركيزة الأساسية بنادي الرياضي، لعب دور كبير بفوز الفريق بأول دوري أبطال آسيا لكرة السلة، وضمان مقعد بمسابقة كأس العالم للأندية 2024.

بالسنين الأخيرة، خطف وائل عرقجي لقب أفضل لاعب مرتين بكأس آسيا 2022 وبطولة أبطال آسيا 2024. وما وقف هون، حصد كمان ألقاب MVP ببطولات كبيرة متل بطولة دبي الدولية، الدوري اللبناني لكرة السلة، بطولة وصل لكرة السلة عن منطقة غربي آسيا،  و”فاينال 8″ ببطولة وصل. أداءه الثابت والمتألق كرّس سمعته كواحد من أهم وألمع اللاعبين بالمنطقة.

عرقجي كمان وجه إعلاني لشركتي نايكي وريد بل بمنطقة الشرق الأوسط وإفريقيا. وبتشرين الأول 2024، انضم لنادي العربي الرياضي بقطر بعقد جديد بيعكس طموحه واحترافيته.

انضمام عرقجي لقائمة فوربس 30 تحت الـ30 بيمثّل محطة أساسية بمسيرته المميزة بعالم كرة السلة. هالإنجاز مش بس تأكيد على موهبته الخارقة وتفانيه، بل كمان بيجعل منو نموذج إلهام لكل الرياضيين الطموحين بلبنان والمنطقة.

بينما عرقجي بيستمر بالتألق داخل وخارج الملعب، رحلته بتضلّ مثال حي على قوة العزيمة والشغف للوصول لأعلى القمم. مبروك يا بطل، يا أحلى لاعب!

شوفوا كمان، التيتا اللبنانية صار عندها موقع أخبار على تويتر