فيديو: شاب ينادي لقطط الضاحية قبل لحظات من القصف

بضاحية بيروت الجنوبية، وسط أصوات الغارات والدمار يلي ما عم يرحم حدا، إنتشر فيديو ترك أثر كبير بقلوب الناس ع مواقع التواصل. بالفيديو، منشوف شاب لبناني عم ينادي على قطط الضاحية ببرج البراجنة قبل ما ينقصف المبنى المستهدف بلحظات. 

القطط ما بتعرف شو يعني حرب أو إنذارات بالإخلاء، والشاب هدفو يحمي هيدي الحيوانات المسكينة بعيد عن المناطق المهددة. والحمد الله، القطط كانت عم تلحقو وترد ع صوته. 

قبل فترة كمان، خبرناكن عن شاب لبناني بطعمي القطط الشاردة بين الدمار بحارة حريك (شوفوا هون). بهيك لحظات ورغم الخطر والدمار، كتار من هالشباب إختاروا الإنسانية والرحمة. 

إذا حابين تدعموا مبادرات لإنقاذ الحيوانات من تحت القصف، شوفوا مقالنا هون.

 بدكن جرعة أمل؟ بالفيديو: بياع ورد يزرع الجمال وسط دمار الضاحية