محل Fries Lab المحبوب رح يرجع أقوى ع الضاحية

مطعم Fries Lab المحبوب بالضاحية، المعروف بالبرغر الطيبة والبطاطا الشهية، شارك فيديو على تيك توك بيوثق فيه الدمار اللي صار بالمحل بسبب الضربات الجوية الأخيرة.

 بالرغم من الدمار، عبّر أحمد صاحب المحل عن امتنانه لأنن بعدن بخير هو وعيلتو، ووعد إنن رح يرجعوا يعمروا من أول وجديد. “رح نرجع على الضاحية،” قال وهو عم يعرض صور الدمار. حاليًا، Fries Lab بعدو عم يشتغل وحالياً عندو بس خدمة دليفيري.

خلينا نحكيلكن شوي عن تجربتنا عند Fries Lab!

أوّل ما فتح هالمطرح من كم سنة، زورنا لنجرب تشكيلة البرغر الملونة يلي عندن.  وقتها كان عندن بس كم خيار ع منيو، متل برغر الـ Project X الأسطوري وCode R.E.D.

هيدا المحل كان مكان مثالي لمحبي البرغر الدسم، الطري، ومغطّس بالصوص. من آخر مرة زرنا هالمحل، فرايز لاب كبّروا المنيو عندن وصارو محبين المحل كتار. 

ويمكن من أطيب الوجبات يلي ممكن تدقوها عندن هي البطاطا المقلية المقرمشة المغرّقة بالصوص المفضلة عندكن.

صار فيكن تجربوا عندن بونلس برغر، السندويشات، والبطاطا الخاصة بـ Fries Lab يلي صاروا يقدموا خيارات طيبة كتير.

نحنا كتير مبسوطين إنو قدرنا نجرب  Fries Lab بوسط عجقة الضاحية، كمان ممتنّين لأنّو تعرفنا على الفريق الرائع ورا المشروع. أول ما يرجعوا يفتحوا، وأحلى من قبل، رح يكون فريق Beirut.com من أول الزوار.

هلق فيكن تطلبوا من خلال تطبيق Toters. هني عم يوصلوا بكل بيروت! تأكدوا تعملولن فولو على انستغرام وتدعموهن شوي.

شوفوا كمان، مطاعم منحبها بالضاحية فتحت فروع بمناطق آمنة