هالمنصة بتساعد النازحين يلاقوا شغل أونلاين بلبنان!

النازحين بلبنان عم يواجهوا تحديات يومية لحتّى يعيدوا بناء حياتن. وبين هالتحديات، ظهرت مبادرة جديدة لحتى تساعدن إنهن يستعيدوا استقرارن المادي. جسر، يعني “bridge” باللغة الانجليزية، هو منصة إلكترونية بتساعد الأشخاص النازحين إنو يلاقوا فرص عمل و شغل عن بُعد أو أونلاين أو ما يعرف ب remote بلبنان.

هيك بيشتغل الموقع بلبنان!

بالبايو ع حسابن على الإنستغرام، بتلاقوا رابط Linktree، يلي بتضمن الخيارات التالية:

سواء كنتوا عم توظفوا أو عم تبرموا ع شغل، الرابط بياخدكن على لـ Google Form. للأشخاص يلي عم يفتشوا ع وظايف  لازم تزوّدوا بمعلومات أساسية عن مجالكن بالتخصص، مع السي في (السيرة الذاتية) و cover letter. مطلوب منكن تحددوا المجال و متطلبات الوظيفة اللي بدكن ياها.

الهدف هو يلاقوا المهجرين فرص عمل عن بُعد لحتى يقدروا يديروا حالن بهالأوقات الصعبة. بما إنه كتير ناس خسروا أشغالن بسبب الحرب، جسر عم بتقدملن فرصة كتير مهمة للاستقرار المالي.

بتقدم المنصة فرص شغل أونلاين، وبتساعد الناس على استرجاع الاستقلالية بغض النظر عن وضعن المعيشي. هالمبادرة بتساعد الأشخاص النازحين يعيدوا بناء حياتهن. وكمان بتدعم الاقتصاد بشكل أوسع من خلال وصل العمال مع أصحاب الشغل اللي بحاجة.

أديه حلو نشوف هيك مبادرات ومنصات لنوقف مع شعبنا بطريقة بتفيدن بظل هالحرب؟

شوفوا كمان، عم تبرموا ع بيت بالحرب؟ خلّوا موقع مأوى يدلكن!