منصة بتقدم علاج نفسي أونلاين ببلاش للمتأثرين بالحرب

Areekaweb هي منصة بتقدم خدمات للصحة النفسية، واليوم عم يدعموا المجتمع اللبناني من خلال تقديم جلستين علاج نفسي أونلاين ببلاش. مع ازدياد الصعوبات، احتياجات الصحة النفسية بتصير أساسية و areekaweb بيهدف إنه يساعد الأفراد يتغلبوا على هالتحديات.

من خلال هالمبادرة، فيكن تتواصلوا مع معالجين ناطقين بالعربية و مرخّصين، و بيقدموا الدعم لحالات التوتر، القلق، الحزن، والصدمات النفسية.

الجلسات معمولة لتقدم للأشخاص مساحة آمنة وسرية ليحكوا عن مشاعرن ويطوروا استراتيجيات للتأقلم بمساعدة توجيه مهني. الهدف هو إنو تقدم راحة بال وتشجع على ممارسات صحية نفسية إيجابية بهيدي الأوقات الصعبة.

يلي بحبوا يحجزوا جلسة فيهن بكل سهولة يحكوا مع فريقن على واتس آب من خلال هيدا الرابط. تأكدوا إنكن تشوفوا صفحتن على انستغرام لكتير نصايح مفيدة عن الصحة النفسية ومحتوى تعليمي.

هالمبادرة بتعكس التزام areekaweb بدعم مجتمعها من خلال التعامل مع الحاجات الملحة للصحة النفسية وتوفير العلاج المهني لكل الناس. مع معالجين مرخصين وعملية حجز بسيطة، المنصة بتأمل توصل لكل المحتاجين وتعمل فرق إيجابي بحالتن النفسية.

عدا عن هيدي الجلسات المجانية عبر الإنترنت، في كتير خدمات صحة نفسية ممكن تستفيدوا منها بلبنان. هون لائحة بـ ١٠ جمعيات عم بتقدم دعم نفسي ومعنوي مجاني بلبنان. فيكن كمان تتواصلوا مع البرنامج الوطني للصحة النفسية اللي بيقدم عدد من الخدمات المفيدة. إكبسوا هون لتعرفوا أكتر عن تفاصيل هالبرنامج.

شوفوا كمان، هيك بتقدروا تدعموا النازحين هيدي الشتوية