شروق زوجة دكتور فود أعلنت إنها حامل!

 شروق صن شاين التيكتوكر الشهيرة والمعروفة بزوجة دكتور فود حامل! أعلنت شروق عبر البث المباشر على حسابها خبر إنها حامل، وأكدت إنو في ولد ببطنها “I have a baby in my stomach”. هالخبر إنتشر بشكل سريع وعمل ضجة على السوشيال ميديا من جهة وصدمة للمتابعين من جهة تانية. المعروف إنو زوجها دكتور فود قاعد تحت الإقامة الجبرية ومش بالحبس متل ما كتار مفكرين.

لحد اليوم، وضع علاقتها مع دكتور فود بعدو غامض للمتابعين، خاصةً إنو هو اختفى عن الأنظار بالفترة الأخيرة وما عاد إنحكى بالموضوع من جهتن. أما شروق، من يومين ظهرت بكندا عم تقيّم أحد المطاعم، وهالشي خلى الناس يفكروا إذا فعلاً ناوية تضل بكندا أو عندها نية ترجع على لبنان.

من فترة طلع خبر توقيف دكتور فود بقضية مخدرات، واللي كانت بمثابة صدمة لمتابعينن. بهالخصوص، شروق كانت واضحة، وناشدت القضاء اللبناني يطلق سراحه، حتى إنها هددت تلجأ لمنظمات دولية لتعمل من القضية قصة عالمية. وكمان، أكدت إنه بريء من التهم واعتبرت إنه الهجوم ضده سببه نجاحه وعبّرت عن دعمها إلو.

هيدا الثنائي عطول عاملين طوشة ع التيك توك، من فيديوهاتن المثيرة للجدل، لأخبار الخيانة و علاقتن الغريبة. بس ع كل الأحوال، مبروك لشروق ومننطر المزيد عن الخبرية بالأيام اللي جايي.

شوفوا كمان، فيديو “أني الصاروخ”: هيدي كانت أهضم النكت ع تويتر