هيك عم يدعم كارفور المبادرات المحلية بلبنان

بهيدي الظروف الصعبة، كتار من النازحين بلبنان عم يواجهوا صعوبات لحتى يأمنوا حاجاتن الأساسية. ومع تزايد الطلب على المساعدات، كارفور لبنان عم يساهم ويدعم المبادرات المحلية اللي عم تشتغل على الأرض!

من خلال إطلاق عدد من الحملات والتعاون مع جمعيات مختلفة، هيك كارفور عم يعمل الفرق.

1. توزيع أكتر من 300 وجبة يومياً للعيل النازحة بكل لبنان

كارفور عم بيوزع أكتر من 300 وجبة باليوم على مؤسسات مختلفة بكل المناطق بلبنان يلي عم تحضن العيل النازحة. هالمبادرة الحلوة بتضمن وصول وجبات متكاملة بتهدف لتلبية الغذاء الأساسي بهالوقت الصعب.

2. التعاون مع جمعية بيت البركة لتوفير اللوازم الأساسية للمحتاجين

فينا ندعم بيت البركة بأي فرع من فروع كارفور من خلال التبرع بمبلغ صغير عند الخروج. هالمبادرة بتستخدم هالتبرعات لشراء مستلزمات أساسية من كارفور لمساعدة العيل النازحة بكل أنحاء البلد.

3. دعم فود بليسد بتوزيع أكل وضروريات أساسية للنازحين ببيروت من دون مأوى

كارفور عم يتعاونوا مع فود بليسد ليوزعوا أكل وأساسيات للأشخاص والعيل ببيروت اللي ما لاقوا مأوى. هالتعاون بيهدف يقدّم مساعدة فورية ودعم للمحتاجين.

4. تركيب صناديق التبرعات لحملة دفى بفرع سيتي مول وعاليه

للتبرع بالمواد الغذائية ومنتجات النضافة، تم تجهيز فروع سيتي مول وعاليه بصناديق تبرع لدعم حملة DAFA. فيكن تتبرعوا بالملابس، ومنتجات النضافة، ومنتجات الدورة الشهرية، والألعاب، وغيرها من التبرعات العينية.

5. تركيب صناديق FabricAID الزرقا لجمع تبرعات الملابس للنازحين

إذا عندكن تياب بحالة منيحة وما بقى بحاجة إلها، روحوا لعند صناديق FabricAID الزرق للتبرع! حتلاقوا هالصناديق بفروع كارفور سيتي مول، سيتي سنتر، عاليه، بشامون، وأدما.

6. تقديم الدعم بأكتوبر للجمعية اللبنانية لمكافحة سرطان الثدي من خلال أكياس مستدامة وقابلة لإعادة الاستخدام

شهر أكتوبر هو شهر التوعية لسرطان الثدي، وفيكن تدعموا هالقضية من خلال شراء أكياس قابلة لإعادة الاستخدام بسعر 3 دولار. لما تشتروا هيدي الأكياس، مش بس عم تختاروا الخيار البيئي، بس كمان عم تساهموا بدعم الجمعية اللبنانية لمكافحة سرطان الثدي.

من خلال تبني هيدي المبادرات المحلية، كارفور لبنان مش بس عم يساعدوا الناس المحتاجين، بس كمان عم يقدموا مثال منفتخر فيه عن التضامن والدعم الإجتماعي.

إذا حبيتوا هالمقال، ما تنسوا تزوروا قسم #دعم لبنان على موقعنا.