المشهد المبكي من الضيع الحدودية، قبل وبعد العدوان!

تتجلى بوضوح مآسي الحرب والعدوان على الضيع اللبنانية الحدودية. هالضيع تعرضت لمئات الغارات الجوية المعادية والقصف المدفعي من سنة لليوم. هيدا عدا عن القنابل والتفخيخ اللي محو معالم هالضيع، حتى صارت منكوبة وغير مألوفة حتى لأهلها. المشهد اللي عم يواجهه أهالي هالضيع بيجسد الفارق الكبير بين الحياة اللي كانت تسود هالمناطق قبل الحرب، والدمار اللي عم تشهدوا اليوم.

بعد التصعيد العسكري وإعلان العملية البرية من قبل قوات العدو، تحولت هالضيع لأنقاض ودمار واسع طال كل معالم الحياة بالقرى. الشوارع اللي كانت تعج بالحياة من سنة صارت مليانة رماد وركام، والبيوت اللي كانت مأوى صارت مجرد هياكل مدمرة.الصور والفيديوهات قبل وبعد العدوان بتروي قصص عن المعاناة والفقدان من جهة، والصمود بوجّ المحتل حتى من بين الركام من جهة تانية. منستعرض معكن بالصور والفيديو كيف صارت بعض من هيدي القرى اليوم:

1. بليدا

2. بنت جبيل

3. كفركلا و عيتا الشعب

4. يارون

5. محيبيب 

6. ميس الجبل

تاريخياً، الضيع اللبنانية الحدودية كانت عطول بمرمى نيران الإحتلال، ورغم كل شي بتضلها رمز للصمود والأمل للشعب اللبناني الأبي والقوي. صح فيه مآسي ومعاناة، بس في أمل كبير عند كل الجنوبيين إنو رح يرجعوا ع ضيعن ويعمروها أحلى من الأول.

شوفوا كمان، محيبيب، الضيعة التاريخية اللي تم نسفها بثواني!