حريق الربوة: دخان ونيران و3 أيام من الكارثة

حريق الربوة صارله 3 أيام وما وقف. النار التهمت جزء كبير من أجمل غابات المتن الشمالي، وفرق الدفاع المدني عم تكافح بكل جهد لتطفيها. بس بين وعورة الطرق وسرعة الهوا، الوضع عم بصير أصعب. طبيعة الأرض وجفاف الأعشاب عم يخلّوا الحريق ينتشر بسرعة، وهيدا الشي عم يزيد الأمور سوء.

طوافات الجيش اللبناني عم تشارك بعملية الإخماد، ومدير عام الدفاع المدني ريمون خطار قال إنو قبرص مستعدة تبعت طيارات متخصصة لإخماد الحرائق، ومن المفترض إنو توصل اليوم. الوضع صار طارئ وبدنا كل المساعدة اللي فينا نحصل عليها.

#حريق_الربوة في يومه الثالث… صعوبة في الاخماد والطقس لا يساعدhttps://t.co/Rte7Z0SeEg

— Voice of Lebanon 100.3 100.5 (@sawtlebnan) October 23, 2024

مبارح تجدد الحريق ووصلت النار لأحراج نابيه وبيت مسك، الرياح القوية رفعت سحب الدخان لدرجة إنو الرؤية صارت شبه معدومة. حتى أوتوستراد المتن السريع تسكر ليلة مبارح بالاتجاهين بسبب الدخان الكثيف، والوضع كان خطير كتير.

حريق الربوة يمتد إلى اوتوستراد المتن السريع#الضاحية_الجنوبية #حريق_الربوة#بيروت #لبنان #الجناح
# pic.twitter.com/R8P8Cxi5JY

— Eben Omar (@eben_0mar) October 22, 2024

في حديث إنو الحريق مفتعل. مدير عام الدفاع المدني ريمون خطار قال إنو الحريق بالربوة مفتعل، وعم يتابعوا الموضوع مع وزير الداخلية ليلحقوا الفاعلين. حتى النائب رازي الحاج عم يتقدم بإخبار للقضاء بخصوص هيدا الموضوع.

خلّيهن عم يقطعوا الشجر بالوادي كل يوم بلا حسيب ولا رقيب، حتى يحترق الحرش كلّو كرمال عيون تجّار الحطب!#حريق_الربوة #لبنان pic.twitter.com/XSiFq3LWVx

— Christine Habib (@Christine_Habib) October 22, 2024

الهم الأول هلأ هو كيف توقف النار وتنحمى البيوت والشجر من الخطر. الأهم إنو ما حدا يتأذى، لا مدنيين ولا رجال الإطفاء. إذا حدا حابب يساعد، في يتواصل مع مراكز الدفاع المدني أو البلديات القريبة. الشباب اللي عالأرض بحاجة لدعم بالأكل، المي، والمازوت للصهاريج اللي عم يستخدموها للإطفاء.

اليوم الجو كله سواد. دخان الحريق بالغابات والدخان اللي جايي من الغارات عم يغطي السما. بين الحرب والموت والحرايق، الوضع صار أسود من السواد.

شوفوا كمان، ضيعة من الجنوب: تعرّفوا على رب ثلاثين الحدودية