Clown Me In: عم يزرعوا الضحكةع وجوه الأطفال النازحين

بهيك أوقات صعبة، الضحكة إلها قيمة كبيرة. ولهيك، “Clown Me In” عم يساعدوا الأطفال النازحين بالملاجئ يلاقوا القوة من خلال الضحك.

هيدي المبادرة، اللي أسستها سابين شقير بالـ2008، مكرسة لنشر الفرح والشِفا من خلال الفن. ومع أكتر من 50 مهرج مدرب، عم يتواصلوا مع المجتمعات بلبنان وبرّا. وعم يخلقوا قوة وإيجابية من خلال ورش العمل والعروض الترفيهية.

من خلال عروضن للإغاثة، فريق المهرجين عم يعبّوا الملاجئ بلبنان بالضحك والفرح. بتقول المهرجة الملتزمة روا خرّاط: “كل صباح بكون تحدّي للاقي القوة، وأوقات عن جد بتساءل مين اللي بحاجة أكتر للضحك، هني أو نحنا؟”

كل عرض بيشد الصغار والكبار سوا، وبيخلق نوع من الترابط وبيأمّن هروب من الواقع اللي عم يمرقوا فيه. ومن خلال مشاركتن لموهبتهن وشغفهن بالتهريج، عم يرفعوا المعنويات وعم يبنوا روابط قوية مع الناس اللي بيقدمولن عروضهن. وعم يذكّروا الكل إنو الفرح بيقدر يولد حتى بأصعب الظروف. هالمبادرة الحلوة خلقت فرصة للتضامن من خلال البسمة!

و ملتزمين بأنو يخلوا الفن متاح للجميع، هالمبادرة عم تدافع عن التغيير الاجتماعي وبتقدم لحظات فرح للأشخاص اللي عم يواجهوا الصعوبات. من خلال خلق تجارب فنية متاحة للكل، بغض النظر عن خلفيتهن أو ظروفهن، هالمبادرة عم تقوّي مجتمعات! و بتساعدن يعبّروا عن حالن ويتواصلوا مع بعض.

إذا بتحبوا تدعموهم اضغطوا هون. وإذا عبالكن تدعموا كمان مبادرات تانية، اضغطوا هون.