والد رجع تحت القصف لأنو نسي مرطبان المكدوس!

بفيديو مهضوم، وثقت تام، بنت لبنانية على وسائل التواصل الاجتماعي، عبر حسابها ع تيك توك (هون) إصرار والدها على الرجعة ع بيتن وسط الدمار الهائل بالضاحية الجنوبية بعد القصف العنيف اللي صار. وهيدي الرجعة كان هدفها واحد: يجيب مرطبان “المكدوس الباذنجان”.

رغم الدمار اللي كان حوليهن، كان البيّ مصمّم إنو يرجع ياخد مرطبان المكدوس ممكن لأسباب بسيطة متل إنو ما بتكمل الترويقة من دونو، أو المكدوس اللي منعملو بالبيت ما في منّو بأي محل.  وفي تعليقها، قالت البنت: “وياريته المرطبان مليان!”

فيديو مهضوم وسط الحرب، بيجسد واقع كتار من اللبنانية. أديه نحنا مرتبطين بأبسط الأمور ببيوتنا، بأكلنا، مونتنا اللي منتعب لنحضرها واللي كل بيت عندو لمستو الخاصة فيها. وإذا مرطبان المكدوس ما تركنا، كيف ببالكن نترك أرضنا؟ 

إذا حابين تدعموا العيل النازحة بلبنان، شوفوا قسمنا #دعم لبنان هون. 

شوفوا كمان:

 “جنوب” القطة النازحة من عيتا الشعب ع صيدا

كلارا، أول طفلة ولدت بمركز نزوح