“جنوب” القطة النازحة من عيتا الشعب ع صيدا

الصحفية ناجية دهشة شاركت قصّة مؤثرة عن قطة مهضومة سمّوها جنوب، وحبيّنا نشاركن قصتها بهالأوقات الصعبة.

مع استمرار الهجمات الشرسة على الأراضي اللبنانية، اضطرت العديد من العيل تترك بيوتها. بس عيلة وحدة منن، نازحة من عيتا الشعب، شاركت تجربتها المؤثرة بتبني قطة ضايعة خلال نقلتن من ضيعة لضيعة. مرقوا ببرج الشمالي والغازية قبل ما يلاقوا ملجأ أخيراً بصيدا.

أصغر فرد بالعيلة قرّر بنفسه يسمي البسينة ‘جنوب’. وعلاقتن القريبة رح تخليكن تبتسموا. البسينة بلا شك صارت مصدر فرح للعيلة.

فيكن تشوفوا الفيديو هون:

العديد من الحيوانات الأليفة والحيوانات الضالة إنتركت علقانة بمناطق انقصفت بشكل كتير قوي. المبادرات الفردية وبعض الجمعيات تدخّلت ونقلتن لملاجئ أمان، مطرح ما عم يتلاقوا رعاية طبية وأكل. إذا بتحبوا تتبرعوا لتساعدوا بجهود إنقاذ الحيوانات بلبنان، فيكن تكبسوا هون.

في 25+ مبادرة على الأرض بتدعم العيل النازحة، إذا حابين تدعموا شغلن، فيكن تكبسوا هون.

لتحصلوا على المزيد من المصادر المفيدة لدعم لبنان، إكبسوا هون.