فيديو بيوثّق الدمار الهائل لضيعة يارون بالحرب

مقطع فيديو للقطات جوية تم نشره من جانب الجيش الإسرائيلي بيوثق الدمار الهائل لبلدة يارون الحدودية بقضاء بنت جبيل. وبالفيديو التاني هون لمازن فرح، بتشوفوا يارون قبل وبعد الدمار:  

يارون تم تفجير مسجدها قبل كم يوم من قبل الإحتلال. تعرضت يارون هل كم يوم ل 650 غارة حربية إسرائيلية وقصف مدفعي على معظم منازلها اللي عددها 1100 منزل. هيدا المشهد تكرر بجميع البلدات اللبنانية الحدودية اللي تعرضت لقصف غير مسبوق أدى لدمار هائل. تحولت لقرى خالية من السكان ومدمرة بالكامل، متل عيتا الشعب وبليدا وعيترون والعديسة وكفركلا.

وبحسب وحدة إدارة الكوارث التابعة للحكومة اللبنانية، صار إجمالي الاعتداءات الإسرائيلية ع لبنان من 8 أكتوبر/ تشرين الأول 2023 أكتر من 9 آلاف و200 اعتداء، تركّزت بمعظمها بمناطق الجنوب والبقاع وضاحية بيروت الجنوبية.

رح نرجع ع ضيعنا ونعمّر بيوتنا من أول وجديد!

شوفوا كمان، عم تبرموا ع بيت بالحرب؟ خلّوا موقع مأوى يدلكن!