هيك فيكن تساعدوا العائلات النازحة بلبنان

بوجود آلاف العائلات النازحة المحتاجة للدعم بلبنان، الجهود الفردية والمبادرات المحلية عم تزيد لتقديم المساعدة. هيك فيكن تساعدوا، تشاركوا، وتعملوا فرق.

1. دعم المبادرات الموجودة اللي عم تجمع تبرعات

هاي لائحة بأكتر من 25 مبادرة عم يجمعوا تبرعات مش بس مادية. في حاجات أساسية مطلوبة لكل حدا بهل العائلات النازحة، منها الأدوية، المنتجات الصحية، الفرش، التكيات، التياب، وغيرها من الأغراض.

فينا كمان نساعد بجهود إنقاذ الحيوانات بجنوب لبنان. اضغطوا هون لتشوف مبادرات رائعة بتحتاج مساعدتكن لحتى يقدروا يطعمو الحيوانات المشردة بالجنوب، يهتموا فيهم طبياً، وينقلوهم لملاجئ آمنة.

2. دوّروا على فرص تطوّع

في عدة مبادرات نشرت نداءات للمتطوعين، ومن بينها:

– Offre Joie بمركز مار ميخايل

Offre Joie بحاجة لناس يساعدوهم بالمطبخ ونزلو كمان نداء للسواقيين المتطوعين. فيكن تشوفوا التفاصيل ع إنستغرام تبعن.

– A R T I C K L E

هيدا نداء للمهندسين المعماريين، مصممي الديكور، والمهندسين (بما فيهم الطلاب وحديثي التخرج) يللي فيهم يساعدوا بتحضير وتقييم الملاجئ.

– مدرسة مي الزاهرية بطرابلس

مدرسة الزاهرية بطرابلس تستضيف أكتر من ١٠٠٠ شخص نازح وهنّي بحاجة لكل المساعدة الممكنة.

– The Bake Atelier بسوديكو

البايك أتيلييه بحاجة لمساعدة بالمطبخ تبعن حتى يقدروا يحضروا وجبات للعيل النازحة.

3. تبرع بالدم لأقرب مراكز تبرع وبنوك دم

عملنا قائمة بمراكز التبرع بالدم بجميع أنحاء لبنان هون. تأكدوا إنكن تقروا كل شي لازم تعرفوه عن العملية، وكمان شروط الأهلية، قبل ما تزوروا مركز التبرع.

مصدر الصورة: AUBMC

4. شاركوا كل هالمصادر المفيدة مع رفقاتكن وعيلكن

إذا لقيت هالمقال مفيد، في احتمال كبير إنو يكون بنفس الفايدة لشخص تاني كمان.

قسم #الخدمات المحلية على موقعنا بيقدملكن كمان عدد من الخدمات المفيدة بكل لبنان، بما فيه هيدي 20+ خدمة صحة نفسية مجانية أو بأسعار مقبولة.

5. قوموا بجهود فردية لدعم مجتمعكن

إذا كنت ساكن قريب من مركز أو مدرسة مستضيفة عائلات نازحة، فكّر تتواصل معن مباشرة. مكالمة سريعة بتقدر تساعدك تفهم شو هنّي بحاجة بشكل سريع، سواء كان أكل، تياب، فرشات، أو منتجات نظافة، حتى تقدر تقدّم تبرعات تكون مفيدة.

مثلاً، منتجات النظافة الشخصية للعناية بالدورة الشهرية عليها طلب كتير بس غالباً منسية. كل مكان ممكن يطلب حاجات معينة، ومن خلال السؤال مسبقاً، فيكن تتأكدو أنو مساعدتكن بتترك أكبر أثر.