كيف فيكن تحولوا مصاري بأمان لأحبابكن بلبنان

إذا كنت مغترب لبناني وبدك تبعت مصاري لأحبابك أو أجنبي حابب تتبرع لمبادرات بلبنان، هون في طرق موثوقة وأرخص شوي لتحويل المصاري بأمان للبنان (بعيداً عن ويسترن يونيون وبوب فاينانس والخدمات التقليدية التانية).

Purpl

إبعتوا المصاري للبنان عن طريق Purpl وحالياً بيوصل ع أكتر من ٤٦ بلد. كل اللي لازم يعملوا المُرسل هو ينزّل تطبيق Paysend أو Remitly، يربط حسابه البنكي أو بطاقته على المنصة، يدخل المبلغ، تفاصيل المستفيد، ويبعته عن طريق Purpl.

الحلو بالموضوع إنه Purpl أرخص بمرتين ع المرسلين مقارنةً بخدمات تحويل الأموال التانية. والمستلمين بيقدروا يسحبوا الأموال بدون أي رسوم من أكتر من 100 صرّاف آلي تابع للبنك اللبناني الفرنسي Banque Libano Française بدون ما يحتاجوا لكرت أو حتى حساب بنكي. التطبيق كمان بساعدك تلاقي الصرّاف الآلي الأقرب إلك.

فيكن تنزّلوا التطبيق المجاني على iOS و Android.

Taptap Send

المستخدمين بأوروبا، أمريكا، كندا، والإمارات فيهن يحولوا مصاري لأكتر من 30 بلد، من ضمنها لبنان. هالتطبيق بيهدف إنو يخلي الحوالات تكون بأقل كلفة ومتاحة للجميع. ما بياخدوا أي رسوم أو رسوم تنافسية منخفضة لكل تحويل!

بس يخلص المرسل عملية تحويل الأموال، حيوصل للمستلم رسالة SMS من Taptap Send بتتضمن اسم المرسل، المبلغ وكود السحب. فيك تسحب المصاري من أي فرع لـ WHISH MONEY، وما بيلزمك حتى تنزّل التطبيق لعملية السحب.

لمعلومات أكتر عن إرسال واستلام المصاري بلبنان، إكبسوا هون.

يمكن كمان تحبوا:

٢٥+ مبادرة لجمع التبرعات للنازحين قسرياً

مبادرات لإنقاذ الحيوانات من تحت القصف بالجنوب فيكن تساعدوها