شركات الطيران لي علّقت رحلاتها من وإلى بيروت

الهجوم الأخير للاحتلال على الأراضي اللبنانية أودى بحياة ما لا يقل عن 569 مواطن وفرض النزوح على أكثر من 500,000 من الجنوب. كتار هربوا على مطار بيروت رفيق الحريري الدولي على أمل يلاقوا أي رحلة طيران لبرّات البلد، لكن عدة شركات الطيران علقت رحلاتها من وإلى بيروت بسبب التصعيدات.

شركات الطيران مثل Cyprus Airways, Emirates, Flydubai, Air Arabia, Iraqi Airways, Qatar Airways, و Etihad Airways وقفوا رحلاتهن لبيروت. كمان في إلغاءات إضافية بتشمل:

– لوفتهانزا وقفت رحلاتها لبيروت لغاية 26 تشرين الأول.

– الخطوط الجوية الفرنسية ألغت الرحلات لحديت 1 تشرين الأول.

– الخطوط الجوية الرومانية TAROM علقت رحلاتها لحد 4 تشرين الأول.

– شركة الطيران الألمانية سنداير أوقفت رحلاتها من برلين لبيروت لحديت تاريخ 30 أيلول.

– بيجاسوس إيرلاينز لغت أربع رحلات كانو متوقعين نهار التلاتا.

– EgyptAir لغت رحلاتها من القاهرة لبيروت لحد ما تستقر الأوضاع.

– الخطوط الجوية التركية لغت الرحلات المجدولة بتاريخ 24 و 25 أيلول.

– الملكية الأردنية علقت رحلاتها لبيروت لوقت غير محدد.

الخطوط الجوية لطيران الشرق الأوسط عم تشتغل بشكل طبيعي حالياً وعندها رحلات إضافية لتعوض عن الرحلات المعلقة. كان في إنخفاض بنسبة 30 ل 40% بالرحلات من مطار بيروت.

شوفوا كمان، مطربا: ضيعة مقسومة بين لبنان وسوريا.