أكتر محل حلو عمل ضجة ع تيك توك جايي ع بيروت!

خبرية حلوة! محل حلويات بنص النبطية عمل ضجة واسعة ع تيك توك، واليوم نفسو هالمحل رح يفتح قريباً ببيروت! عم نحكي عن محل ماجد زهير، وللصراحة نحنا كتير محمّسين نخبركن عنو. 

محل ماجد زهير إنشهر أكتر شي  كرمال شغلة وحدة: الإكلير اللي بيعملها، والعالم صارت تجي من عندو من وين ما كان لتجربها. 

بيعمل مختلف أنواع الحلويات الشهية والمخبوزات الطازة. بتلاقوا عندو الكرواسون الطيب بأشكال متنوعة، والكيك المحشي بألذ المكونات. 

السر عند الشيف ماجد إنو عندو طريقتو الخاصة بالكريمة. الطعم اللي بتدوقوا عندو ما بتلاقوا عند أي محل غير. 

 و الخبر الحلو إنو قريباً رح تدوقوا الإكلير وإبداعات ماجد بالحلو من فرعو الجديد على أوتوستراد هادي نصر الله! 

الشيف ماجد مشهور كتير ع تيك توك وفيديوهاتو عليها آلاف المشاهدات والمتابعين. هيدا لأنو بيقدم محتواه بطريقة مهضومة كتير. ماجد معروف بعبارة “اربطوا الأحزمة، سنهبط في مطار أبو ماجد الدولي”، وهيدي بيقولها قبل ما يقدم للمتابعين وصفاته الإستثنائية ونصايحو بالأكل. عندو إبداعات بالحلويات اللي ما بتلاقوها إلا بمحلو، متل هيدي التشيز كيك بحشوة الكنافة والفستق: 

خبرونا، رح تزوروا ماجد زهير أوّل ما يفتح؟ 

ما تنسوا تابعوا حسابو على تيك توك هون، وكمان على الإنستغرام هون. للطلب أو المزيد من المعلومات، اتصلوا على الرقم: 193 660 70. 

شوفوا كمان، بس عند فرن المنشية: Open منقوشة ب 500 ألف