لعبة مونوبولي بحجم كبير ع قدكن بلبنان!

أكتر مرة انزعجنا فيها كانت لما شفنا لعبة المونوبولي صارت لعبة ع التليفون – لأنه أحلى شي بالألعاب اللوحية الكلاسيكية هو نلعبها وج بوج. بس هالإصدار من اللعبة هو شي فينا نتحمس عليه، فخلينا نفرجيكن أنتوا ورفقاتكن وين فيكن تلعبوا لعبة مونوبولي بحجم كبير وعنجد ع قدكن بلبنان.

موجود بعمشيت، Funloc هو الوجهة المثالية لكل يلي بيحبوا النشاطات الممتعة، فيه عدد كبير من الألعاب المشوقة يلي رح تحبو تلعبوها مع أصحابكن. من غرف الهروب لألعاب الرمي، هالمكان كله مرح وتسلاية. وأحلى نشاط عندن هو لعبة مونوبولي بحجمها الكبير.

متل اللعبة الكلاسيكية بس مع شويّة تغييرات هون وهون، وبدل ما تستعمل قطعة رمزية، حتتحرك عاللوحة بنفسك! أديه مهضومة؟ النسخة بالحجم الكبير بتستمر حوالي ساعة وبدها 3 لـ 7 لاعبين، وسعرها 15 دولار للشخص.

يلي منحبّو كمان بهاللعبة إنّو كل شي فيها عن لبنان! كل الممتلكات باللعبة موجودة بمدن وضيع مختلفة بالبلد، فهيدا الإصدار رح يعطيكن إحساس حلو ورح تضحكوا كتير مع أصحابكن. يعني فيكن تطلعوا ع فاريا، توقفوا بالبترون، تشتروا شارع الحمرا، وأهم شي إذا نحبستوا باللعبة، بياخدوكن ع سجن رومية.

لتعرفوا موقع Funloc بالزبط، كبسوا هون. فيكن تلاقوا مزيد من التفاصيل على إنستغرام ، أو فيكن تتواصلوا على 512 532 70. الحجز ضروري!

شوفوا كمان، عبالكن تطيروا؟ ٨ مطارح لتعملوا Paragliding بلبنان