بس عند فرن المنشية: Open منقوشة ب 500 ألف

في أطيب من ترويقة مناقيش مع كباية شاي سخنة وخضرة ع جنبها؟ وللصراحة، مين فينا ما بيحب المناقيش؟ إذا عبالكن تاكلوا مناقيش قد ما بدكن، اليوم رح نخبركن عن الفرن الوحيد بلبنان اللي بيقدم Open منقوشة! مشوا نروح على فرن المنشية بمنطقة برج البراجنة ونشوف هالعرض المميز اللي عاملينو. وما تنسوا تبعتوا هالمقال لرفيقكن اللي بياكل 5 مناقيش قعدة وحدة.

بتميلوا عند فرن المنشية وبتنبسطوا ب Open منقوشة بس ب 500 ألف ليرة (أو 5.5$). بتقدروا تاكلوا مناقيش قد ما بدكن وبسعر كتير مناسب. عندن كل شي، من الزعتر، للجبنة، للسجق، الكفتة، اللحمة، البيتزا، كلو ناطركن. العجينة طيبة، والمنقوشة عندو معروفة بشكلها، وأهم شي محشية بأطيب المكونات.

فرن المنشية عندن كل شي طازة وبيشهي، وإذا بتمرقوا عند هالفرن الصبحيات بتدوخوا من الريحة الطيبة ودغري بتفتح نفسكن ع شي منقوشة سخنة وطرية. بتلاقوا المناقيش ع أنواعها ونكهاتها، أطيب المعجنات الطازة والسخنة، وكمان البيتزا الشهية والفطاير المميزة.

وع فكرة الكل بالمنطقة بيقول عن هالفرن إنو عجينتو طيبة! فرن المنشية موجود ببرج البراجنة، بيقدم خدمة الديليفري ع كل بيروت وضواحيها. فيكن تتواصلوا معن على الرقم: 054 827 81. وما تنسوا تابعوا حسابن على التيك توك هون لتشوفوا عروضاتن أول بأول.

خبرونا بالتعليقات، إذا طلبتوا Open مناقيش، كم منقوشة فيكن تاكلوا؟

شوفوا كمان، أطيب ٨ أفران لتجربوا لحمة بعجين بلبنان