شوفوا معنا مهرجانات عيد الصليب لسنة 2024 حول لبنان!

بقولوا أحلى شي بآخر الصيفية مهرجانات عيد الصليب لأن كل العيل والقرايب بتجتمع بالضيعة وبصيروا يروحوا على ساحة الضيعة يشاركوا بالتجمعات والعشاوات القروية وبتدور الضيافة والزيارات والأكل الطيب وأكيد أهم عنصر بكون “الزلابية” كضيافة عيد أو “قبولة النار” مع الرقص والزغاريد والزقيف والصلاة. وبعد عيد الصليب بينزلوا الناس من الضيعة على الساحل ليحضروا لتحويش الزيتون والعنب والخل والدبس والعرق. خلونا نشوف سوا مهرجانات عيد الصليب حول لبنان لهالسنة.

١. رعيةالصليب، جعيتا

ببلش المهرجان اليوم مع قداس وكارمس وحفلة مع دي جي، السبت رح يكون في بطولة باسكت وعرض animation للولاد وحفلة موسيقية مع دي جي وسحب تونبولا.

٢. رعية مار جرجس، اللويزه

يوم السبت رح يكون في قداس وريسيتال وعرض فيلم وثائقي وقبولة نار وكمان حفل موسيقي مع جويا جرجس ومارون طوق، بالإضافة لستاندات موسيقى وأكل.

٣. ساحة الضيعة، قرطبا

رح يكون في زياح اليوم بشوارع الضيعة ومن بعدها عشا قروي بساحة الضيعة مع الفنانة ساريا ودي جي وولف.

٤. رحلة عيد الصليب

بنتظم ella travel بمناسبة عيد الصليب نهار الأحد 15 أيلول رحلة مميزة على بحيرات فالوغا، مار شربل حمانا، بلدة بتغرين وبسكنتا، وزيارة لأكبر صليب بلبنان والشرق الأوسط بقناة بكيش.

٥. مار الياس، سن الفيل

حضرت الرعية معرض للتسوق والترفيه وعروض فنية وموسيقية.

٦. فاريا

وصل مهرجان Street Festival على فاريا ورح يولعها السنة. يتخلل المهرجان معرض وسوق أكل وألعاب للأطفال وموسيقى ونشاطات ترفيهية عديدة للأطفال ومن ضمنها عرض لميني ستوديو.

٧. رعية القديسة رفقا، تلال عين سعادة

رح يتخلل المهرجان عروض animation و bubble show للزغار بالإضافة لألعاب مسلية ونشاطات مميزة وحفلات فنية وموسيقية وستاندات أكل وشرب ومعارض وأكسسوارات يدوية.

٨. رعية الصليب، شدرا

رح يتخلل المهرجان كرمس وستاندات أكل وشرب وألعاب وهدايا وغيرها.

٩. مار يوسف، عين زبدة

موعد سهرة عيد الصليب 2024 يوم السبت 14 أيلول ورح تكون سهرة بتجمع أهل الضيعة وأهل المنطقة بكل حب ودفا حول قبولة النار مع عروض فنية وموسيقية وأكل بلدي وسحب تونبولا.

١٠. مار جرجس غوايا، القبيات

بيتضمن المهرجان ريسيتال روحي مع الفنان نادر خوري وسهرة قبولة نار حول الصليب وضيافة العيد وأجواء ضيعاوجية مميزة.

شوفوا كمان، رد لاذع من شروق لوفاء: لا تدخلوا على شخصية دكتور فود!