أطيب ٨ أفران لتجربوا لحمة بعجين بلبنان

عبالكن لحمة بعجين مع لبن عيران وعصرة حامض؟ خلونا نخبركن عن أطيب ٨ أفران لتجربوا لحمة بعجين بلبنان. 

1. لقيس فارم – بعلبك، شتورة، بيروت، جل الديب، زحلة، البترون

بتلاقوا عند ملك الصفيحة البعلبكية كمان أطيب لحم بعجين، خصوصي إنو عند لبن العيران واللحمة مباشرةً من مزارعن بالبقاع! 

الرقم: 1661 

2. فرن عبيد ، سن الفيل

فرن أصيل صرلو من ١٩٧٧! عندو جميع أنواع المعجنات وحتى منقوشة لايت، بس إذا في شي ضروري تجربوا عندو، أكيد اللحم بعجين!

الرقم: 415 481 01 

3. فرن مرشاق – البترون، الجميزة

فرن مرشاق من الأقدم بلبنان وصرلو من 1868 فاتح! مشهور كتير بمناقيش “الصاروخ” اللي بتجي مطوية ومشطوحة، بس لازم تجربوا عندو اللحمة بعجين اللي بيعملها، إن كنتوا بالبترون أو ببيروت. 

البترون: 050 740 06

الجميزة: 060 444 01 

4. فرن بعينو – كسليك، صربا، الباشورية

من أقدم وأطيب الأفران اللي بتعمل لحم بعجين. مشهورة هالأكلة عندو إنو بتطلع المنقوشة رقيقة ومقرمشة شوي، مع لبن عيران خاص عندن!

الرقم: 1547

5. الفرن اللبناني، الأشرفية

الفرن اللبناني كتير مشهور بالمناقيش الطيبة خصوصي الزعتر واللحمة بعجين. فيكن كمان تجربوا الصفيحة مع الرمان بتشهي، وحتى بيقدم أكتر من ترويقة!

الرقم: 807 337 01 

6. فرن اشخانيان – الزلقا، زقاق البلاط

هالفرن العريق بيعمل اللحمة بعجين ع الطريقة اللبنانية وكمان الأرمنية، انتو جربوا عندو وقلولنا أي أطيب! وأكيد لازم تجربوها مع الحر! 

الزلقا: 586 717 04 – زقاق البلاط: 178 375 01 

7. لحماجون، بيروت 

فرن بيقدم وحدة من أطيب لحم بعجين بالبلد! المميز عندن إنو اللحم بعجين بيجي مع صلصة حرّ هني بيعملوها، طعمها بيشهي مع لبن العيران البارد. 

الرقم: 576 135 70

8. Takkoush Bakery، الحمرا

هالفرن عندو مناقيش طازة وترويقة بتشهي وتحديداً اللحمة بعجين مع الخضرة ع جنبها!

الرقم: 379 349 01 

شوفوا كمان، ٨ مطاعم فيكن تاكلوا عندن طبق فتة قريدس