رد لاذع من شروق لوفاء: لا تدخلوا على شخصية دكتور فود!

بعد ما انتشر الفيديو يلي انتقدت وفاء فيه صاحبة البسطة، وأثار الجدل بين الناس، الكل صار يدعم صاحبة البسطة واعتبروا إنو وفاء كانت عم تتصرف بشكل مش مقبول. بهالوقت، شروق ما سكتت، وقررت تطلع بفيديو رد على وفاء. وبلش الحديث… شو قالت يا ترى؟

أول شي، شروق قالت إنو دكتور فود شخصية مميزة وما بتتكرر بسهولة. يعني مش كل واحد بيقدر يقلد طريقة دكتور فود. بعد ما كتار من الناس اتهموا وفاء إنو عم تقلد دكتور فود بأسلوبها بانتقاد المطاعم والأكل، شروق أكدت إنو دكتور فود غير وما حدا بيقدر يوصل لستايلو.

شروق لوفاء : الدكتور فود شخصية فريدة ما بتتكرر

و بآخر الفيديو طمنتنا انو الدكتور فود راجع قريبا pic.twitter.com/loirphBWoB

— الـ ـمـ ـسـ ـتـ ـشـ ـار (@khodor_ad30) September 9, 2024

شروق كمان شددت على إنو المطاعم الزغيرة والمشاريع الزغيرة بحاجة لدعمنا مش لنئذيها. وقالت مش شطارة إنو الواحد يأذي مطعم أو يحكي عن شي طيب ويقول عنو سيء بس ليربح الواحد لايكات. من وجهة نظرها، هيدا الأسلوب مش أخلاقي، وضروري ندعم بعضنا بدل ما نحطم شغل الناس.

وقالت شروق بطريقة حادة: “إنو شو يعني تدوقي درة وترمس وتقولي ما بيتاكل؟ هيدي مش شطارة. اللايكات ما بتدوم وكل واحد بيمشي على هيك طريقة سخيفة ما رح يطول.” شروق ما جاملت أبداً بكلامها، ووجهت رسالتها بقوة.

بآخر الفيديو، شروق ختمت إنو الفود بلوغر الحقيقي ما بيعمل هيك تصرفات، وإنشالله دكتور فود يرجع قريباً لحتى لنبطل نشوف هالقصص هاي. والناس عم تنطر هالرجعة بشوق!

وإنتو شو رأيكن؟

عبالكن تعرفوا القصة الكاملة؟ شوفوا هالمقال: من بعد فيديو واسع، دعم واسع صاحبة بسطة الفول!