شو تحلاية اليوم؟ شوكولا بلفّة الشاورما!

مين غرامو الشوكولا البلجيكية الدايبة؟ لقينالكن محل حلو خصوصي لإلكن! خلونا نخبركن عن شوكوارما Chocowarma بمنطقة عوكر، محل حلويات بيقدم شوكولا بس ع طريقة الشاورما!

بتعرفوا لما تزوروا محل الشاورما وبتشوفو السيخ عم يبرم برم؟ ميلوا عند شوكوارما وبتلاقوا هالمنظر نفسو بس بدل الشاورما فيه قالب شوكولا بيفتح النفس! والأهضم من هيك، انو تقديمها كتير بيشهي، بيلفّها بالكريب ع شكل خبزة سندويشة الشاورما… بس الفرق محشية شوكولا بلجيكية فاخرة مع ألذ الإضافات!

مننصحكن تجربوا عندن شاورما تريو كيندر بتجي مع قرمشة قطع الشوكولا، أو شاورما كوكيز أند كريم إذا انتو من النوع اللي بيحب طعم الأوريو. وما تنسوا تطلبوا فوقها مارشميلو لحلاوة زايدة بتدوب بالتم!

شو لازم تجربوا غير شاورما الشوكولا؟ عندن حلو مميز إسمو برج البراوني، قطع براونيز فوق بعضن مغطسين بالشوكولا البيضا. 

وحتى عندن فوتشيني كريب ع طعمة بسكويت اللوتس بقلبها فريز ومغطسة بالشوكولا الدايبة و الغنية، أديه مبينة طيبة؟ 

هالمحل عبارة عن مشروع صغير لعيلة، فكتير حلو تدعموهن وتجربوا عندن حلوياتن الإستثنائية شوكولا الشاورما متل رول الكريب أو ميلك شايك ع غزل البنات وحتى كمان البوظة! بتلاقوهن تحديداً بعوكر جنب السفارة الأميريكة. فيكن تابعوهن ع حسابن على الإنستغرام هون. 

للمزيد من المعلومات، اتصلوا ب Chocowarma على الرقم: 764 348 76. 

شوفوا كمان، انسوا بوكيه الورد، صار عنا بوكيه سوشي!