خيمة المزار: مطعم جبلي بين شجر الصنوبر

إذا عم تدوروا على مكان بياخد العقل بيجمع بين الأكل اللبناني الأصيل والفيو الساحر، ما إلكن إلا مطعم “المزار” ببيت مري. هالمطعم جوهرة مخفية لكل مين بحب يقضي نهار أو عشا مع العيلة والأصحاب، خاصة مع المناظر اللي بتطل على جبال لبنان وبين أحضان الصنوبر.

“المزار” بعيد 15 كلم عن بيروت، وأول ما توصلوا لهون، بتشوفوا الفيو يلي بحسسكن إنكن فوق الغيم. الأكل هون قصة تانية، من المازة اللبنانية الشهية للبزاق، الأرضي شوكة والفوارغ، وكل طبق محضر بحب وتراث لبناني. والمفاجأة؟ بحضروا مناقيش صاج ومرقوق قدامكن، يعني في أطيب من هيك؟ الحصة دايماً كبيرة، والأسعار أكتر من مناسبة، يعني بتاكلوا وبتشبعوا.

المطعم بيستقبلكن بجو عائلي دافي، وحتى الولاد عندن حصتن بالمكان المخصص إلن ليعيشوا يومن ويتسلوا. بتعرفوا إنو “المزار” فتح بابو من 2006، وضل محافظ على نفس الروح ونفس الجودة؟ كل طبق بيتحضر هون، من المناقيش على الصاج الطازة للخبز المرقوق، بيذكركن بأيام الضيعة وأجواء التقاليد اللبنانية.

الكراسي الخشب الموجودة بالمطعم بتضيف لمسة ريفية حلوة كتير، كأنكن قاعد بالبيت بالضيعة. ومن أحلى الأشيا بالمطعم هو إنكن عم تاكلوا أطيب أكل لبناني وإنتو عم تتفرجوا على فيو ما بينوصف بكلمة.

إذا بدكتن تجمعوا بين الأكل الطيب، الجو الحلو، والفيو اللي بيخليكن تنسوا همومكن، ما في أحلى من “المزار“.

العنوان: بيت مري
الرقم: 481 870 04

شوفوا كمان، ٨ محلات مع ترويقة على البحر بلبنان.