من بعد فيديو وفاء، دعم واسع لصاحبة بسطة الفول!

من بعد ما انتشر فيديو لفود بلوغر إسمها وفاء عم تنتقد ست عندها بسطة فول وذرة، صار في ردة فعل كبيرة من الناس. الفيديو كان في حكي قاسي تجاه الست، بس المفاجأة كانت إنو العالم ما وقفت مع وفاء، بالعكس، الكل قرر ينزل ويدعم البسطة الزغيرة. وبتشوفوا الناس نازلة بالسوق وعم تزور الست وعم تدعمها بشراء الأكل منها، وكأنو ردة فعل عفوية ضد التنمر أو الحكي الجارح.

هالشي ذكرنا بحادثة صارت من كم سنة، وقت در فود انتقد صاحب بسطة كعك بطرابلس، والنتيجة كانت نفس الشي تقريباً. كل الناس وقتها توجهت على بسطتو، دعمتو ووقفت حدو.

مع أنو الفيديو يلي نزلتو وفاء يمكن كان هدفو بس لتجيب لايكس وللعالم تحكي عنا، حسب ما بين، بس العبرة بتضل نفسها: لازم ندعم الأعمال الزغيرة، وخاصة الناس يلي عم تشتغل على قدها وبتعتمد على هيك مشاريع لتعيش. ما في أجمل من الوقفة مع هالناس يلي بس بدها تعيش وتكمل بهالحياة الصعبة.

بعد فيديو الفووت بلوغر (افران) الوفاء

العالم بلشت تنزل و تدعم الست يلي عندا محل الفول و الدرة ❤️#ادعموها pic.twitter.com/HeWdf7KKiw

— | Nader Alatrash | (@Alatrash9_) September 9, 2024

العالم بلشت تدعم الست يلي عندا بسطة الفول والدرة، والمحل اللي اسمو “Yummy by Nona” صار حديث الناس بوقت قصير. وحتى صار الناس يجيبو أصدقاؤن ويزوروا البسطة مش بس من المنطقة، بس من كل المحيط.

انا اليوم رحت جرب اكل صاحبة البسطة وزوجها.
العنوان: المصيطبة، طلعة يزبك، حد ازهار زينة.

لازم ندعمن ونوقف ضد قطع ارزاق العالم ❤️ pic.twitter.com/nYLNPH1dg0

— Zein Mhaidly (@ZeinMhaidly) September 9, 2024

إذا بدكن تجربوا شي طيب وبتحبوا تدعموا الأعمال الزغيرة، روحوا زوروا بسطة “Yummy by Nona“.

ما في أحلى من الوقفة حد الناس اللي بتحط قلبها وروحها بشغلها.

العنوان: المصيطبة، طلعة يزبك، حد ازهار زينة
الرقم: 258 253 03

شوفوا كمان، خبر حزين عن بياع الكعك يلي إنشهر مع دكتور فود.