“كأنها فيروز!” مغنية لبنانية عملت ضجة لأداء متقن لفيروز

نشرت المغنية اللبنانية كارلا شمعون فيديو كتير لطيف لإلها على الإنستغرام هيي وعم تغني غنية “أديش كان فيه ناس” للسيدة فيروز. الفيديو حصد أكتر من مليون مشاهدة وآلاف التعليقات الإيجابية!

بكل عفوية ومن قلب ال parking، غنّت كارلا غنية لفيروز وبكل إتقان. المتابعين تفاجأوا كتير لأنو صوتها طلع متل صوت فيروز وبأدق التفاصيل! هالآداء جعل كتار من المتابعين ينغرموا بصوتها لكارلا أكتر وأكتر، وعبّرو عن إعجابن بآلاف الكومنتات!

منن قالو إنو هي فيروز بحد ذاتها وكانت تعليقاتن مهضومة!

وغيرن عبرو عن إعجابن الشديد بصوت كارلا:

وبهيدا الفيديو كانت عم تغني للأيقونة أم كلثوم:

وكارلا نشرت توضيح عن هيك نوع من الفيديوهات بتقول: “الفيديو مش فيديو تقليد شخصيّات. هدف الفيديو هوّي إظهار صوت واحد عم بأدّي خامات صوتيّة مختلفة وكتير بعيدة عن بعضها. أوقات المغنّي بيختار لون واحد بيحسّ إنّو نجح في، وبيلتزم في كلّ مسيرتو الغنائيّة، بخاف يجرّب ويختبر إشيا جديدة لحتّى ما يخسر جزء من جمهورو. بس أنا بقول إنّو المغنّي منّو آلة بتطلّع صوت واحد وبس. هوّي روح وأحاسيس وأفكار خلّاقة!”

كارلا شمعون هي أوّل لبنانيّة بتوقف على أكبر مسارح أوروبا مع أهمّ موسيقيّين بالعالم World of Hans Zimmer وكل حفلة بيحضرها أكتر من ١٥ ألف مشاهد. لتابعوا مشوارها الغنائي، شوفوا حسابها على الإنستغرام هون.

خبرونا، حبيتوا كارلا؟ كتبولنا بالتعليقات!

شوفوا كمان، هيك ردّت سيبال بو شعيا ع التنمر اللي صار ب Miss Lebanon