مشوار عند أبو فرح، لحمة نية عند أقدم لحامين لبنان!

تتذكرو عمو أمين؟ أقدم لحام بلبنان، واللي صرلو 80 سنة بالمصلحة (فيكن تتعرفوا عليه بمقالنا هون). اليوم رح نخبركن عن تاني أقدم لحام بلبنان، تعرفوا معنا على عمو أبو فرح!

عمو أبو فرح صرلو أكتر من 55 سنة بيشتغل لحّام، تخصص بالمصلحة من سنين وبيعمل أطيب لحمة نيّة! عندو نفس غير شكل ع الأكل، وطريقة تحضيرو للحمة بتفتح النفس!

البلوغر بيان المعروف ب pass food على الانستغرام راح لعندو وجرّب الكبة النية ع الطريقة اللبنانية اللي بيعملها، وبتشوفوا بالفيديو الإحترافية والنضافة بالشغل. شوية برغل، لحمة نية، ورشة زيت زيتون وبتطلع معو أطيب لقمة لبنانية ع أصولها! حضروا الفيديو هون كمان لتشوفوا الكفتة اللي عندو أديه بتشق القلب: 

بتلاقو أبو فرح عند أبو عبدو بفرع المنصورية، وهالمحل عبارة عن كل شي، فيه مطعم لبناني، ملحمة بدبح يومي وطازة، مسمكة، وكمان محل للخضرة والفواكة والعصير وغيرو. 

وكل محبي اللحمة النية، دوقوها من تحت إيدان أبو فرح من عند أبو عبدو. من الملسة، الفراكة، الكفتة، السودة، وغيرو..أكيد دوقوا المشاوي، لقمة عنجد بتطول العمر! وحتى بتلاقوا عندو اللحمة من كل لبنان إن كان من بعلبك أو طرابلس!

خبرونا، رايحيين عند هالمطعم قبل؟ وحبيتوا لعمو أبو فرح؟ 

فيكن تشوفوا حساب مطعم أبو عبدو هون. وما تنسوا تابعوا بيان ع حسابو Pass Food هون. 

شوفوا كمان، محل كريمينو الشهير جايي ع خلدة!