إسمك فريد؟ حضر حالك لحسم 50% بمحل كتير مهضوم!

في محل زغير وكتير مهضوم ومكنكن بنص سوق جونية، إسمو “فريد عالسيب“. هالمكان مش بس بيفاجئكن بطعمة السندويشات الطيبة، بس كمان بيقدملكن تجربة لبنانية أصيلة. ليش؟ لأن كل سندويشة بيحضروها على آلة الـ SEB اللي كلنا منعرفها ومنحبها. بس هون القصة ما بتخلص!

المفاجأة الحقيقية إنو إذا إسمك فريد، فيك تاخد 50% حسم عالطلبيات! بس جيب هويتك وثبت إنك “فريد”، ورح تحصل عالخصم على طول. صاحب المحل إسمو فريد، وعندو كمان بببغا بيستقبلكن عالباب وإسمو كمان فريد! شوفوا شو الفكرة مهضومة.

السندويشات؟ يا ويلي شو طيبين. متل كأنو عم تاكلوا بالبيت، بس الفرق إنو كل شي معمول بطريقة مدروسة عالسيب. السندويشات متل ما بتشتهي، من سندويش الفرانسيسكو للكفتة، لسندويش دجاج، وحتى المقانق والسجق بيطوشوا. وكل هيدا بأسعار كتير معقولة، بتبلش من 3 دولار!

إذا كنتو بجونية، لازم تجربوا هالمحل. وأكيد، إذا إسمك فريد، ما تنسى تذكرتك لتاكل بنص السعر. تجربة ما بتتفوت!

العنوان: سوق جونية، حد مستشفى مار يوحنا
الرقم: 591 402 81

أسعار: بتبلش ب 3$ بس!

شوفوا كمان، لقينالكن أحلى كافيهات بشارع الجميزة.