عيشوا تجربة تذوق الباستا من قالب الجبنة ع صحنكن!

بتعرفوا إنو فيكن تعيشوا تجربة إيطالية أصيلة من قلب بعقلين؟ خلونا نعرفكن على المطعم الإيطالي un Basilico!

هالمطعم بياخدكن ع إيطاليا! 

طلعوا ع بعقلين و شوفوا مطعم un Basilico شو مخبيلكن! السباغيتي عم تتحضر قدامكن، ودغري من قالب جبنة البارميزان بتنزل ع صحنكن. سباغيتي بيتوتية معمولة ع اصول المطبخ الإيطالي، وقالب الجبنة جايي دغري من إيطاليا لعندكن ع الطاولة. 

هيدا الأسلوب بتحضير الباستا اسمو “pasta alla ruota”، وهو تقليد أصيل من المطبخ الإيطالي، بينعمل دغري قبل سكب الباستا بالصحن. بتكون الباستا مطبوخة طازة وسخنة وبتنحط بقالب جبنة مدوّر، وهالشي بخلي الجبنة تدوب مع الباستا وتندمج الطعمة بطريقة غنية واستثنائية. أديه حلو إنو نحنا هلق فينا نستمتع بهيك تجربة بتاخدنا دغري ع إيطاليا؟ 

مطعم un Basilico هو قطعة من روما بلبنان، بتلاقوا عندو مختلف الأطباق الإيطالية، المخبوزات الطازة ، البيتزا ع الحطب، الباستا ع أنواعها، وكمان الحلويات الإيطالية وكلو ع ألذ كاس نبيد. 

شو مننصحكن تجربوا بعد غير سباغيتي بقالب البارميزان؟

أكيد دوقوا اللازانيا بالفخار اللي بيعملها كتير غنية وبيتوتية.

 وكمان كالزون بيتزا اللي بتجي مطوية ومحشية بألذ المكونات والأعشاب. 

المطعم عندو قعدة مهضومة برا بتشوفوا منها بيوت بعقلين القديمة. هيك بعد ما تخلصوا غدا، بتعملوا برمة سياحية بالضيعة!

بتلاقوا المطعم تحديداً ع الموقع هون. وما تنسوا تابعوهن على الإنستغرام هون. للحجز أو لمزيد من المعلومات،

 اتصلوا على  الرقم: 810 805 81. 

شوفوا كمان، لقينالكن ٩ مطاعم إيطالية قاعدة بالجبل