بكبسة وحدة بتشوفوا محتوانا الجديد والقديم!

مشوارنا على بيروت.كوم بلّش من 8 السنين لليوم، وكان هدفنا من أوّل ما عملنا الموقع إنو نقدملكن محتوى لبناني بإمتياز! محتوانا بإختصار بيعبّر عنا وعن حضارتنا، بيفرجي جمال بلدنا وشو مخبيلنا لبنان، بيحكيلنا عن قصصنا اليومية وبيقلكن عن كل شي عم بيصير بالبلد.

بأكتر من 150,000 متابع على فيسبوك و 65,000 على إنستغرام، قدرنا نوصل للشعب اللبناني وين ما كان بالعالم. وبكل فخر، قدرنا نصير الدليل السياحي الأول بلبنان بالعربي! رافقناكن بكل هالسنين بكل شي جديد، الخبريات الحلوة، اللحظات المهضومة، والمشاوير المميزة، وبعدنا مكفيين هالرحلة معكن.

صار فيكن تتصفحوا محتوانا القديم والجديد بأكملو بكبسة وحدة

بتعرفوا إنو المحتوى على بيروت.كوم بيرجع ل 2017؟ طيب، كيف كان؟

بوقتها خبرناكن عن كم مطرح بتقدروا تزوروهن بلا فيزا، بمقال تاني إسترجعنا من طفولتنا منتوجات غندور، و بليستا تضحكنا على كم موقف محرج بيمرق فيهن كل لبناني.

صار عندكن حشرية تعرفوا كيف تشوفوا هيك محتوى؟

خلونا ندلكن كيف بتوصل على المحتوى حسب التسلسل الزمني!

1. زوروا صفحة بيروت.كوم الرئيسية

2. إنزلوا شوي لتحت لحد ما تشوفوا “إستكشفوا المزيد!“، من بعدها إكبسوا عليها

3. بتفتح عندكن صفحة “المحتوى بالتسلسل“. بتقدروا تختاروا السنة والشهر اللي بدكن ياه لتقدروا تشوفوا شو نزّلنا مقالات وقتها.

4. من بعد ما تختاروا الشهر والسنة، بتقدروا تتصفحوا المحتوى متل ما بدكن!

خبرونا، حبيتوا هيدي الخاصية الجديدة؟