لقينالكن ٩ مطاعم إيطالية قاعدة بالجبل

شو رأيكن نجمع بين القعدة الجبلية والأكل الإيطالي؟ لكل محبي الطلعة الجبل هالصيف، خلونا نخبركن عن ٩ مطاعم إيطالية قاعدة بالجبل حول لبنان. من بكفيا، لبرمانا، حمّانا، الشوف، وحتى عاليه رح ناخدكن رحلة شهية وممتعة على ألذ المطاعم الإيطالية فوق!

1. لوكاندا كوسيني، بكفيا

لوكاندا كورسيني مطعم إيطالي بقلب بيت لبناني تراثي قاعد بضيعة بكفيا. بتجربوا خبز البروشكيتا الإيطالي معمول بالبيت، الباستا على أنواعها مع أشهى المكونات، السلطات الإيطالية، وأكيد البوظة اللي رح تاخدكن ع روما!

الرقم: 143 263 81

2. Piazza 1140، حمانا

بتعرفوا فيكن تدوقوا أطيب الأطباق الإيطالية من قلب سوق حمانا؟ Piazza هو واحد من أطيب مطاعم إيطالية الموجودة بالجبل. 

جربوا البيتزا الرقيقة ع الحطب، المخبوزات الإيطالية، السباغيتي، الريزوتو، لازانيا، لينغويني، وغيرها من الأطباق الشهية. وكل المكونات مستوردة من إيطاليا! 

الرقم: 037 532 05 – 178 381 79

3. Mediterraneo، برمانا

هالمطعم بيقدملكن تجربة أطلسية أكتر من رائعة، متخصص بالأطباق الإيطالية واليونانية وحتى المأكولات البحرية. بيقدموا بيتزا إيطالية ع الحطب بتاخد العقل، لازم تجربوها أول ما تطلعوا ع برمانا. 

الرقم: 718 969 70 

4. مطعم زهرتوني، القبيات

مطعم زهرتوني هو مطعم إيطالي بالضيعة، عندو أطيب باستا شغل إيد! بيعمل طبق الباستا على أصولو وبمختلف أنواعها لتعيشوا تجربة المطبخ الإيطالي الأصيل. 

الرقم: 844 469 81 

5. Autentico Ristorante، برمانا

هالمطعم إيطالي بكل معنى الكلمة، العجينة بتاخدن ٤٨ ساعة لتتحضر وكل مكوناتن جايبينا من إيطاليا. إكتشفوا عالم من النكهات الشهية من بيتزا وباستا ع ألذ كاس نبيد. 

الرقم: 124 074 81 

Verona Resto .6، السمقانية الشوف

مطعم فيرونا عندو أكل إيطالي بيشهي، جربوا بيستو باستا، بيتزا البيبروني، أو البولو باستا اللي بيعملوها كتير كريمي! 

الرقم: 080 822 71

un Basilico .7، بعقلين

عيشوا تجربة إيطالية مميزة عند هالمطعم ببعقلين: تفرجوا على الباستا ع تتحضر قدامكن من قالب البارميزان ع صحنكن، المنظر لحالو بيحكي! 

الرقم: 810 805 81

Davinci Aley .8، عاليه

من ألذ المطاعم الإيطالية بالجبل! مننصحكن تجربوا ألفريدو باستا اللي بيقدمها، أو سباغيتي المأكولات البحرية!

الرقم: 798 545 81

Pizzaiolo. 9، عاليه

مخبوزات إيطالية مع جبنة، فتوتشيني، الباستا الكريمي اللي بتدوب بالتم، والبيتزا عالحطب…كل هيدا وأكتر بتلاقوا عند هالمطعم الإيطالي بعاليه. 

الرقم: 111 412 05 – 111 412 70

خبرونا، أي مطعم من هل مطاعم إيطالية بقلب الجبل رح تجربوا؟ 

شوفوا كمان، ١١ مطعم رومانسي بقلب الجبل!