فريد: الجوهرة المخفية بقلب بيروت

إذا كنتوا عم تفتشوا عن مكان مميز تاكلوا في، ما فيكن تفوتوا “فريد“، المطعم الجديد اللي فاتح بنص الجميزة. من لحظة ما بتفوتوا، بتحسوا حالكن بعالم مختلف، مليان بالأجواء الحميمة والأطباق الفريدة اللي ما رح تلاقوا متلا بغير مطعم. القعدة هونيك بتجنن، والأسعار كتير معقولة.

“فريد” بقدم أطباق لبنانية مبتكرة ما رح تلاقوا متلها بمحل تاني. عندن من المازة اللبنانية التقليدية، بس مع لمسة جديدة متل المتبل المحمر، الكبة المحشية جبنة، سلطة الفريكة، والمسخن والحمص مع الأفوكادو، هيدا طبق عندو نكهة خاصة، وبيجمع بين المالح والحلو بطريقة غريبة بس لذيذة. الفتوش بصلصتو المميزة والسجق بالجبنة والرقاقات بياخدوكن لعالم تاني، وما لازم تفوتوا الكنافة للتحلاية، طعمتا خيالية.

المنيو عند “فريد” بيجمع بين المازة اللبنانية، المشاوي، البرغر، والسندويشات، بالإضافة للحلويات. وعندن كمان مشروبات كحولية متل العرق، البيرة، والنبيد. إذا بتحبوا الأكل اللبناني بس بطريقة عصرية وبجو حميمي، بعيد عن المطاعم التقليدية، “فريد” هوي المكان يلي لازم تزوروا.

إذا بتحبوا التجارب الجديدة، جربوا “تريو الكبة” اللي بيجي محشي باللحمة، الجبنة والفليفلة، أو اللبنة مع القاورما. التبولة طعمتها مميزة، والحمص مع الأفوكا بيعطي توازن مثالي بين المكونات. المتبل المحمر، بيجي مدخن مع شرحات زيتون أسود، جوز وزعتر، بفوت عالقلب. والـ”ليتل أرمينيا رول” بالسجق والجبنة مع صلصة الرمان طعمتها ولا أروع، واختتموا ببوظة البقلاوة مع قشطة للتحلاية.

أسعار “فريد” بتفاجئكن بالنسبة لجودة الأكل والتجربة اللي بيقدموها. بيكلف الشخص الواحد بين 15$ و20$، يعني بتقدروا تاكلوا من قلبكن وما تحسوا حالكن عم تصرفوا كتير. هيدا الشي بيخلي المطعم خيار ممتاز لجمعات الشباب والعيلة، خصوصي إنو بتاكلوا مازة لبنانية بطعمات جديدة، مشاوي، سندويشات، وحتى حلويات.

شوفوا كمان، تعرفوا على فرن عمرو 90 سنة بقلب لبنان.