لقينالكن Open سمك ومازة بس ب 20$ عند سمكة شهوان!

بتحبوا المأكولات البحرية ع اللبناني؟ اليوم رح نخبركن عن مطعم مميز بحالات جبيل بيقدم أكل بحري طازة مع أحلى الأسعار، تعرفوا معنا على مطعم سمكة شهوان. 

دغري من البحر لعندكن ع الطاولة! إنبسطوا ب open سمك ومازة ب 20$ بس عند مطعم شهوان. هالمطعم بيجيب سمكاتو ع أنواعها واختلافها طازة من البحر، صيد يومي وثمار بحر شهية معمولة متل ما بتحبوها! 

عندو منيو متنوعة لكل محبي السمك، من السمك المشوي، النيّ، المقلي، وباقي المأكولات البحرية متل القريدس المسلوق أو البروفينسال و الصبيدج والأخطبوط والكراب والصفد و كاليماري وغيرو. 

إذا فيه أكلة إستثنائية لازم تجربوها عندن هي فوارغ ثمار البحر! إي، هو المطعم الأول والوحيد بلبنان اللي بيعملها وللصراحة كتير رح تعجبكن.  

جربوا عندن مازة لبنانية ع أصولها مع كاس عرق بلدي غير شكل، شمندر وحمص ومتبل مع التبولة اللي بيعملوها. وكمان ما تنسوا المازة البحرية متل فتة القريدس، كبة سمك، رقاقات كراب، طاجن، وغيرن من الأطباق الغنية اللي بتنفرش ع طاولتكن بكل كرم ولذة. 

هالسفرة المرتبة بتجي مع قعدة ع البحر، لتستمتعوا بالمذاق الطيب مع منظر بياخد العقل للأمواج هي وعم تروح وتجي. ولما تخلصوا غدا، روحوا تمشوا ع البحر وإنبسطوا بوقتكن. 

خبرونا، حبيتوا مطعم سمكة شهوان؟ بتلاقوا بحالات ع الطريق البحري.

للمزيد من المعلومات، اتصلوا على الأرقام: 789 225 03 – 242 522 71. وما تنسوا تابعوا حسابن ع الإنستغرام هون. 

شوفوا كمان، ٣ محلات بقدموا أطيب سندويش سمكة حرة بطرابلس