عشا قروي مع أجواء لبنانية مميزة عند هالمطعم

عبالكن تعيشوا أجواء لبنانية أصيلة؟ كل نهار أربعا، سما أرزة بفتقا بيستضيفكن بليلة لبنانية حلوة، رح ترجعوا فيها للزمن الجميل. رح تستمتعوا بتشكيلة كبيرة من الأكلات اللبنانية اللذيذة، وتختاروا كل شي عبالكن من محطات الطبخ الحية. ولح تستمتعوا برقص الدبكة الحماسي، والموسيقى اللبنانية الأصيلة والنشاطات التراثية متل الحنة والمشغولات اليدوية.

إذا كنتوا عم تدوروا على تجربة لبنانية أصيلة بقلب الجبل، ما في أحلى من مطعم سما أرزة بمنطقة فتقا. هالمطعم قرر يعمل عشا قروي كل نهار “أربعا بنص الجمعة” ويحول نهار الأربعا لأحلى يوم بالأسبوع. تجربة جايبينا من تقاليدنا العريقة مع كل النكهات الطيبة والأجواء التراثية يلي منحبها.

العشا القروي عند سما أرزة بيجمع بين الأكل اللبناني اللذيذ، رقص الدبكة، الموسيقى التراثية، ومحطات الآكل والطبخ المباشر يلي فيكن تنقوا منها. برودات جبلية بتشيل الهم عن القلب، ما رح تلاقوا محل بيجمع هالقد نشاطات حلوة بليلة واحدة – كبة بالجرن، رسم الحنة، تطيير بوالين بالسما وأكيد الزغار عندن حصة وألعاب مميزة ونشاطات مسلية وغيرها كتير.

المطعم معلق بين الأرض والسما، مع فيو بياخد العقل على خليج جونية. القعدة عالتراس وخصوصي وقت المغيب بتاخدكن لعالم تاني، رومانسي ومليان سحر. الأجواء والبرودات الحلوين بينشروا الفرحة والراحة، خصوصي إذا كنتوا مع ناس بتحبوهن كتير.

إذا بتحبوا الأجواء اللبنانية الحلوة ومشتاقين لسهرة بتجمع الأكل الطيب مع أجواء قروية بتعكس تراثنا الغني، سما أرزة هوي المكان المثالي لتقضوا سهرتكن.

الأربعا بنص الجمعة رح يصير نهاركن المفضل بدون شك. كل شي محضر ليخلي السهرة مميزة، من البداية للنهاية، بديكور وأجواء بتخلي القعدة عن جد بتطول العمر.

التفاصيل

أيمتى: كل نهار أربعا من الساعة 7pm
وين: سما أرزة، فتقا
الدخولية: 25$ عالشخص
الحجز على: 035 600 81

ما تنسوا إنو هل سهرة اللبنانية بقلب الجبل رح بتضل معكن بذكريات ورح تصيروا ترجعوا كل مرة تاخدوا نفس السحر اللبناني.

شوفوا كمان، أجمل قعدة ببرمانا، وين أولكن؟