٥ طرق لحماية المراهقين على تيك توك

بعالمنا اليوم، تصفح وسائل التواصل الاجتماعي يمكن يشكّل تحدي للمراهقين وأهلن، عشان هيك تعاونا مع تيك توك لنخبركن عن 5 نصايح أساسية لحماية المراهقين أونلاين وضمان تجربة آمنة على إنترنت.

1. استخدموا ميزة “Family Pairing” أو ربط الحسابات للعائلة

بتعرف إنو في ميزة “Family Pairing”؟ هالميزة بتسمح للأهل يربطوا حسابن على تيك توك مع حساب ولادن المراهقين، لتمكين مجموعة واسعة من الإعدادات للمحتوى، و الخصوصية، و الرفاهية.

بهالميزة، الأهل فيهن يتأكدوا انو حساب ولادن خاص، وكمان يراقبوا التعليقات، الرسائل المباشرة، البحث، مدة الاستخدام اليومية. الأهل فيهن كمان يفعّلوا وضع المقيد Restricted Mode، يلي بيعمل تصفية للمحتوى الغير مناسب.

2. استفيدوا من خيار “الخصوصية الافتراضية”

تأكدوا إنو حساب المراهق بيعكس عمره الحقيقي حتى تقدروا تستفيدوا من هالخيار. الحسابات اللي أعمارها بين 13 و 15 سنة بتنحط عالخاص بشكل تلقائي. وبس المتابعين بيقدرو تشوف وتتفاعل مع محتوى ولادكن.

هيدي بعض الأمور الأساسية اللي لازم تعرفوها كمان:

 – عند نشر أول فيديو، يُطلب من مستخدمين اللي أعمارن بين 13 و 15 التفكير بمين بيقدر يشوف محتواهن

– حسابات اللي أعمارهن بين 13 و15 سنة ما بيقدرو يبعتوا أو يستقبلوا رسائل مباشرة

– للمراهقين بعمر 16 و17 سنة، الرسائل الخاصة بتكون مضبوطة على “لا أحد” بشكل إفتراضي

– تنزيل فيديوهات، Duets، وStitch متاحين للمستخدمين اللي أعمارن 16 سنة وأكبر

– البث المباشر مسموح بس للمستخدمين اللي أعمارهن 18 وفوق

شوفوا دليل أولياء الأمور للمزيد من المعلومات.

3. خلّوا الحساب خاص

وقت يكون الحساب خاص، المراهق عندو حرية بالسماح ب:

– المتابعة

– مشاهدة فيديوهاتن وفيديوهات البث المباشر والسيرة الذاتية و تسجيلات الإعجاب

– رؤية المتابعين وقوائم المتابعة عندن

المستخدمين اللي حساباتن خاصة ما بيسمحوا بإنشاء Duets، أو الدمج Stitch، ولا تحميل الفيديوهات.

شوفوا إعدادات خصوصية الحساب لمزيد من المعلومات.

٤. بلّغوا عن أي تنمّر أو مضايقة محتمَلة

إذا المراهق عم يتعرض لأي نوع من التنمّر أو المضايقات على حسابو، قدّموا بلاغ أو Report. تيك توك عنده مشرفين آليين وبشريين بيشتغلوا لتصدي و إتخاذ إجراءات ضد الانتهاكات لإرشادات المجتمع (اللي مذكورة بالنقطة الجاية).

بالرغم من إنو المنصّة بتقوم بإزالة معظم المخالفات قبل ما يتم التبليغ عنها، من الأفضل إنو المستخدمين كمان يلعبوا دور فعّال بالحفاظ على تيك توك كمكان آمن ومرحب من خلال الإبلاغ عن المحتوى اللي بيحسوا إنه غير مناسب. وبحال قرر المستخدم إنه يبلّغ عن محتوى معيّن، هويتو ما رح تنكشف لصاحب المحتوى أو الحساب اللي تم التبليغ عنّو.

شوفوا ميزة الإبلاغ لمزيد من المعلومات.

5. إقروا إرشادات المجتمع تبع المنصة

إرشادات المجتمع على منصة تيك توك بتوفر إطار من القواعد و التوقعات لخلق بيئة آمنة وشاملة للكل. هيدي مجموعة إرشادات بتحدد شو السلوكيات المقبولة وشو الممنوع على المنصة:

المنظمات و الأفراد اللي بتتسم بالعنف و الكراهية: تيك توك ما بيسمح لأفراد أو منظمات خطيرة انو يستخدموا المنصة لنشر الإرهاب، الجريمة، او أي نوع من التصرفات اللي بتسبب ضرر.

نشاطات غير قانونية وسلع محظورة: تيك توك بيمنع بيع، ترويج، و استخدام السلع المحظورة، وكمان تصوير أو ترويج النشاطات الإجرامية.

محتوى عنيف أو غرافيكي صادم: تيك توك ما بيسمح بالمحتوى اللي بيكون بصورة وحشية أو مرعبة، خاصة اللي بيروج أو بيمجّد العنف الفظيع أو المعاناة.

إنتحار، إيذاء النفس، و أعمال خطرة: تيك توك ما بيشجع على المشاركة بنشاطات ممكن تسبب ضرر. وما بيسمح للمستخدمين بتشجيع الآخرين على المشاركة بالأنشطة الخطرة. 

خطاب الكراهية: تيك توك ما بيتسامح مع محتوى بيهاجم أو بيحفّز على العنف ضد فرد أو مجموعة أفراد بناءً على سمات محمية. كمان تيك توك ما بيسمح بمحتوى بيتضمن خطاب كراهية، وبتشيله عن المنصة.

التحرش والتنمر: تيك توك ما بيسمح بمحتوى مؤذي أو تصرفات مسيئة على المنصة.

محتوى عري البالغين و النشاطات الجنسية: تيك توك ما بيسمح بنشر المحتوى الجنسي الصريح أو المُرضي على المنصة.

سلامة صغار السن: المستخدمين لازم يكونوا بيلبّوا متطلبات الحد الأدنى للعمر ليستعملوا تيك توك حسب شروط الخدمة للتطبيق. تيك توك ما بيسمح بتصوير أو نشر محتوى بيضم إساءة للأطفال، عري الأطفال، أو استغلال الأطفال الجنسي بأي شكل من الأشكال سواء رقمي أو بالواقع، والمنصة بتبلغ عن هيك محتوى للجهات القانونية المختصة.

النزاهة و الأصالة: تيك توك ما بيسمح بنشر محتوى هدفو يخدع أو يغش أي عضو من مجتمعو. هيدا بيشمل أنشطة مثل Spam، إنتحال الشخصية وحملات التضليل.

شوفوا إرشادات المجتمع لمزيد من المعلومات .

فيكن كمان تتصفحوا مركز السلامة لكامل تفاصيل.