صار في موقع لتقييم جدار الصوت بلبنان

اختراق جدار الصوت صار شي عادي بلبنان، لدرجة إنو في حدا قرر يعمل ويبسايت فيكن تقيموا في قوة “الجدار”.

موقع الويب إسمو jidarsot.com، بيعرض عدد من المراجعات لي بقدموها أشخاص من كل البلد لتقييم خروقات حاجز الصوت. أول ما رح تفتحوا الموقع، رح تشوفوا تقارير بعدد خروقات جدار الصوت لي صارت خلال النهار مع ليستة طويلة من التقييمات لي بقدموها مستخدمين مجهولين.

الأفضل؟ الشخص يلي ببيروت مسجل 2/10، وكتب “والله …ما سمعت شي منو“.

إذا بدكن تقيموا جدار الصوت بس يصير، فيكن تعملوا هالشي من خلال الضغط هون. رح يتم تحويلكن لصفحة فيكن تقيموا من خلالها قوة اختراق جدار الصوت. كمان فيكن تتركوا مراجعة وتحددوا من وين سمعتوا الصوت.

صار فينا نقيم “جدار صوت” بلبنان متل ما منقيم مطعم جديد على تقييمات غوغل – هالقد واقعنا صار مذري.

شوفوا كمان، بتعرفوا إنو صار فيكن تاكلوا كنافة ع فستق؟