حلمي البترون، قصة الليموناضة اللي عمرها ١٣٦ سنة!

إذا شي مرة زورتوا البترون، رح تنتبهوا أديه ليموناضة عندها مكانة خاصة مع سكان المنطقة. وقصة البتروني مع ليموناضة بتمتد لعقود لورا، من محل بسيط كان أوّل مين قدم هالمشروب بالبترون: ليموناضة حلمي أو ما يعرف اليوم ب Hilmi’s House of Lemonade. 

الليموناضة، حامض، سكر، ميّ زهر،…بس عند حلمي أكتر من هيك! 

الخبرية بلشت من البترون سنة 1888، لمّا قرر حلمي  يتعلم فن  تحضير الليموناضة من والده محمد عبد الرحيم، وهو كان أول مين عمل هيدا المشروب بالمنطقة. وقتها الناس كان عندها محلات بس ما كان دارج يسمّوها. و البترون كانت معروفة بشجر الحامض اللي صارت رمز المدينة، وجزء من تراث وأكل ناسها. 

لحد ال 1960، قرر حلمي يوسع شغل العيلة، وفتح محل ليموناضة ومخبوزات عربية تحت اسم Chez Hilmi أو شي حلمي.  

ضاجت الدني باسم ليموناضة حلمي وحقق نجاح كبير بيساع بلد، حتى إنو رئيس الجمهورية سليمان فرنجية منح حلمي  وسام الأرز الوطني  برتبة فارس ب 24 تشرين الأول 1974 (فيكن تشوفوا لما تزوروا المحل اليوم!)

قصة حب الليموناضة إنتقلت من جيل لجيل!

مشوار حلمي مع الليموناضة كفّى حتى بعد وفاته بالتسعينات. أحفادو البنات رنا وفرح ونور حولوا من محل بسيط بالستينات، لمقصد أساسي لكل زوار البترون. “شي حلمي” صار معلم تراثي، محل لليموناضة لتدوقوا وصفة إنتقلت من جيل لجيل، ومتحف بيضم تاريخ هالصناعة وكل الآلات المستعملة لعيلة حلمي (وع فكرة هو الأول من نوعه بالعالم)، ومحل تذكاري مزيّنة حيطانو بذكريات لأصحاب المحل. 

اليوم فيكن تزوروا هالمحل اللي صار اسمو Hilmi’s House of Lemonade، معروف بديكورو الأصفر والملوّن المستوحى من الحامض. 

دوقوا الليموناضة طازة من الشجرة ومن تحت إيدان فرح، رنا، ونور. والحلو انو هني أبدعوا بالنكهات مع الليموناضة، من فريز ونعناع وغيرو. 

خبرونا، جربتوا Hilmi’s House of Lemonade أو بعد؟ 

الرقم: 888 991 81

شوفوا كمان، ٤ محلات ليموناضة لازم تجربوهن بالبترون هالصيفية!