صار في منقوشة فلافل بتصدقوا؟ جربوا هالمحل

بتعرفوا إنو في محل عم يعمل منقوشة فلافل؟ ترندي فلافل بيقدملكن تجربة فريدة من نوعها، منقوشة محشية فلافل طازة معباية بطحينة منعشة ولفت وبندورة. بتقدروا كمان تجربوا فلافل محشية جبنة موزاريلا، مغطاية بطبقة دهبية مقرمشة.

^{Credits: talabat}

هيدا الكيوسك الزغير بيقدم تشكيلة واسعة من أصناف الفلافل الغريبة والمبتكرة، من برغر فلافل للفاهيتا فلافل. بتقدروا كمان تطلبوا بوكس فلافل بالخبز العربي مع بطاطا وطحينة وكبيس، أو تجربوا الكومبير بطاطا المحشية بحشوات متنوعة.

هالمحل بيقدم كمان أكلة تركية مشهورة إسمها كومبير عبارة عن بطاطا محشية خضرا أو شاورما أو حتى بيتزا أو حيلا شي تاني من رغبتكن.

إذا كنتوا من محبي الفلافل، أو بتحبوا تجربوا أكلات جديدة وغريبة، هيدا المحل هو المكان المناسب إلكن. جربوا منقوشة الفلافل، وخبرونا رأيكن!

المكان معروف بأسعارو المعقولة، وخدمة الزباين ممتازة. بتقدروا تزوروهن مع أصحابكن أو عيلتكن، وبتكونوا متأكدين إنكن رح تقضوا وقت ممتع.

محل ترندي فلافل موجود بقلب طرابلس بالضم والفرز، وبيفتح كل يوم.

الرقم: 065 806 78

شوفوا كمان، ٣ محلات بقدموا أطيب سندويش سمكة حرة بطرابلس