٣ محلات بقدموا أطيب سندويش سمكة حرة بطرابلس

طرابلس مشهورة بمأكولاتها البحرية الطازة، وخصوصاً سندويش السمكة الحرة. هيدي السندويش اللذيذة فيها سمكة حرة مشوية، مع خس، بندورة، وخبز محمص على الفحم. في كتير مطاعم بتقدمها، بس هيدي 3 من أطيبن:

١. الشيف نور، المينا الكورنيش

بيعتبر حالو در المأكولات البحرية، عندو كل أصناف المأكولات البحرية الطازة وبجبلكن ياها من البحر دغري، ومعروف أكتر شي بأكلة القريدس والسمكة الحرة. الشيف نور، ملك المأكولات البحرية، بيقدملكن سمكة حرة طازة من البحر مباشرة، بتحسوا طعمة البحر بكل لقمة. سندويش السمكة الحرة عندو أسطوري، مع سمكة مخلوطة بتتبيلة خاصة، خس طازة، بندورة، توم، بطاطا، كبيس، وخبز محمص على الفحم، كل كدشة قصة. غير هيك فيكن تجربوا صحن القريدس الطازة مع كزبرة، حامض وتوم.

السعر: 000 500 ل.ل.
الرقم: 204 298 03

٢. أبو فادي السيد ملك السمكة الحرة، المينا

أبو فادي ما بيزعل حدا، عندو تشكيلة واسعة من سندويشات السمك، من السمكة المشوية التقليدية للكرسبي والكلامار. بس سندويش السمكة الحرة عندو طعمة تانية، السمك متبل بتتبيلة سرية بتخلي طعمتها ما بتنتسى. سندويش السمكة الحرة عندو كتير طيبة وغريبة، السمك طازة مخلوط بتتبيلة سرية مع صوص وشوية حر وحامض ولا أطيب من هيك مع خس وبندورة على الوج لتصير طعمتها أطيب وأطيب ومحمصة بخبزة غير شكل.

السعر: 000 550 ل.ل.
الرقم: 316 000 70

٣. المصطفى للسمك، المينا

من مطاعم السمك التراثية يلي ناطرتكن بمينا طرابلس، عندن كل أنواع السمك الطازة من البحر لي مخلوط بتتبيلة سرية ومقدم على طاولتكن. المصطفى للسمك، إسمو عريق بعالم المأكولات البحرية بطرابلس، سندويش السمكة الحرة عندن تراثي، بينعمل بنفس الطريقة من سنين، والطعم ما بيتغير أبداً. السمك الطازة متبل بتتبيلة سرية، والخبز محمص على الفحم، كل هالشي بيخلي للسندويش طعمة جنة. إذا بدكن تجربوا طعمة السمكة الحرة الأصيلة، المصطفى هوي المكان المناسب. من أطيب سندويشات السمك يلي ممكن تجربوها مع صوصات روعة وأكيد غيرها من الأطباق البحرية يلي بتشتهوها.

السعر: 000 600 ل.ل.
الرقم: 490 557 03

شوفوا كمان، قهوة ومحل ورد بنفس الوقت بنص بيروت.