تعرفوا على المطعم التونسي الأول بلبنان

شو بتعرفوا عن الأكل التونسي؟ المطبخ التونسي بيجمع بين النكهات العربية والمتوسطية. بيتميز بالبهارات والتوابل الحرة، الأطباق الدسمة باللحمة والسمك، المعجنات الرقيقة. وكمان بيحبوا يضيفوا زيت زيتون ع كل شي متل عنا بلبنان! بتعرفوا إنو فيكن تجربوا النكهات التونسية التقليدية من قلب طرابلس؟ خلونا نعرفكن على مطعم بنينا برشا، المطعم التونسي الأول والوحيد بلبنان. 

بنينا برشا مطعم فتح جديد بطرابلس، بيقدم أطياب المطبخ التونسي التقليدي. الحلو انو أصحاب المحل والشيف كلن تونسيين، يعني بتجربوا الأكل التونسي من تحت إيدان ناسو. 

شو لازم تجربوا عند مطعم بنينا برشا؟ 

إذا بدكن مقدمة للمطبخ التونسي، مننصحكن تبلشوا عندن بالأكلة الوطنية اللي اسمها الكسكس. هالأكلة معمولة ع البخار، بتتقدم مع دجاج أو لحمة مع خضرة مسلوقة، وعند بنينا برشا بتجي ع جنبها صلصة بندورة، سلطة، وشوربة. 

وما بتكمل قعدتكن عند بنينا برشا إذا ما جربتوا الهريسة، وهى عبارة عن صلصة حرّة كتير من الفلفل والتوم، بتنضاف للأكل وطعمها بيشهي! وما تستغربوا لمّا تشوفوا الملوخية التونسية، بتختلف عن اللبنانية بس طعمها غني كتير. 

من الأكلات اللي رح تنغرموا فيها هي العجة التونسية، عبارة عن بيض ومقانق مع هريسة حرة وبندورة ومزيج طيب من التوابل الشهية.

وغيرها كتير من الأكلات الشعبية اللي ما لازم تفوتوها وعنجد بتاخدكن رحلة ع تونس من قلب لبنان، متل التسطيرة، رز جربي، الكفتجي، الكمونية، اللبلابي. 

والحلو عند بنينا برشا إنو مش بس بتلاقوا الأكل والطبخ التقليدي، بس كمان أكل الشارع التونسي متل البانيني والباغيت مع الدجاج والمعجنات المحشية جبنة، وكلها مع صلصات روعة. 

وشوفوا البلوغر زينب المعروفة ب Beyond Food، لمّا راحت وجربت المحل: 

ما تنسوا تابعوا حسابن على الإنستغرام هون. للمزيد من المعلومات، اتصلوا على الرقم: 273 236 03 

شوفوا كمان، ١٠ مطاعم بتعمل أطيب برغر لبناني بلبنان